Žanr: kamiedyja, drama
Režysior: Nensi Majers
U rolach: Robiert de Nira, En Cheteŭej Rene Ruso, Anders Chołm, Džo Džo Kušnier, Endru Reniełs, Adam Dzivajn, Zak Pierłman, Džejsan Orli
Adznaka: 8
70-hadovy ŭdaviec Ben Uitakier paśla šmathadovaj pracy na pradpryjemstvie vychodzić na piensiju. Zrazumieŭšy, što žyćcio na hetym nie skončanaje, jon padarožničaje pa śviecie. Viarnuŭšysia dachaty ŭ Bruklin, usio-taki sumuje biez choć jakoha zaniatku. Tym časam u novym startapie — internet-kramie pa prodažy adzieńnia — abviaščajuć niečakanuju akcyju: nabirajuć piensijanieraŭ. Ben prapanuje svaju kandydaturu i stanovicca stažoram u maładoj talenavitaj kiraŭnički kampanii Džułs Ościn.
Film źniaty pa aryhinalnym siužecie halivudskaj scenarystki i režysiorki Nensi Majers («Čaho chočuć žančyny», 2000). Paśpiachovuju kiraŭničku startapa syhrała En Cheteŭej («Interstełar» (2014), «Adrynutyja» (2012) — uznaharoda «Oskar-2013»), a rol samotnaha piensijaniera dastałasia lehiendarnamu Robiertu de Nira, na rachunku jakoha bolš za sto rolaŭ i dva «Oskary».
Lohki, dušeŭny styl z dolaj dobraha žyćciovaha humaru ŭłaścivy stužkam Nensi Majers. Tut jana zakranuła i niekatoryja sacyjalnyja prablemy: nieabchodnaść adčuvać uvahu da siabie i być niekamu patrebnym, dzialicca svaim dośviedam — dla ludziej stałaha vieku, pierahružanaść sučasnych biznesvumien, addanaść idejam i niedachop času dla ŭłasnaj siamji — dla maładych talentaŭ. U stužcy pakazanaja historyja paśpiachovaha suisvanvańnia i supracy adkrytych śvietu ludziej roznych pakaleńniaŭ.
Film vyjšaŭ dobry i pazityŭny, pasuje dla siamiejnaha prahladu.
Kamientary