Жанр: камедыя, драма
Рэжысёр: Нэнсі Маерс
У ролях: Роберт дэ Ніра, Эн Хэтэўэй Рэнэ Русо, Андэрс Холм, Джо Джо Кушнер, Эндру Рэнелс, Адам Дзівайн, Зак Перлман, Джэйсан Орлі
Адзнака: 8
70-гадовы ўдавец Бэн Уітакер пасля шматгадовай працы на прадпрыемстве выходзіць на пенсію. Зразумеўшы, што жыццё на гэтым не скончанае, ён падарожнічае па свеце. Вярнуўшыся дахаты ў Бруклін, усё-такі сумуе без хоць якога занятку. Тым часам у новым стартапе — інтэрнэт-краме па продажы адзення — абвяшчаюць нечаканую акцыю: набіраюць пенсіянераў. Бэн прапануе сваю кандыдатуру і становіцца стажорам у маладой таленавітай кіраўнічкі кампаніі Джулс Осцін.
Фільм зняты па арыгінальным сюжэце галівудскай сцэнарысткі і рэжысёркі Нэнсі Маерс («Чаго хочуць жанчыны», 2000). Паспяховую кіраўнічку стартапа сыграла Эн Хэтэўэй («Інтэрстэлар» (2014), «Адрынутыя» (2012) — узнагарода «Оскар-2013»), а роль самотнага пенсіянера дасталася легендарнаму Роберту дэ Ніра, на рахунку якога больш за сто роляў і два «Оскары».
Лёгкі, душэўны стыль з доляй добрага жыццёвага гумару ўласцівы стужкам Нэнсі Маерс. Тут яна закранула і некаторыя сацыяльныя праблемы: неабходнасць адчуваць увагу да сябе і быць некаму патрэбным, дзяліцца сваім досведам — для людзей сталага веку, перагружанасць сучасных бізнэсвумен, адданасць ідэям і недахоп часу для ўласнай сям’і — для маладых талентаў. У стужцы паказаная гісторыя паспяховага суісванвання і супрацы адкрытых свету людзей розных пакаленняў.
Фільм выйшаў добры і пазітыўны, пасуе для сямейнага прагляду.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары