Śviatara, jaki b pryznaŭsia, što žyvie z žančynaj, taksama zvolnili b. U kaściole ksiandzy dajuć klatvu celibatu.
Vatykan zvolniŭ śviatara-hieja paśla jaho intervju, apublikavanaha ŭ italjanskaj i polskaj presie. Polski śviatar Kšyštaf Charamsa pryznaŭ, što znachodzicca ŭ luboŭnaj suviazi sa svaim siabram. Polskaja Gazeta Wyborcza cytuje słovy śviatara: «Ja mušu skazać, chto ja. Ja — śviatar-hiej i ja ščaślivy i hanarusia hetym».
Pradstaŭnik Vatykana Fiederyka Łambardzi zrabiŭ admysłovuju zajavu, u jakoj, u pryvatnaści, havorycca, što ŭčynak śviatara napiaredadni praviadzieńnia asamblei Sinoda biskupaŭ «vyhladaje biezadkaznym». Łambardzi ličyć, što «kaminh-aŭt» polskaha śviatara vyklikaje vakoł asamblei zališniuju ŭvaha presy i nie budzie sadziejničać abmierkavańniu prablem siamji i šlubu, abortaŭ i śviataroŭ-hiejaŭ — asnoŭnych pytańniaŭ, jakija stajać na paradku dnia forumu.
Charamsa, vychadziec z Polščy, jaki apošnija hady žyvie ŭ Rymie i pracavaŭ da zvalnieńnia ŭ Kanhrehacyi daktryny viery, skazaŭ žurnalistam, što jaho akcyja nie źviazanaja z asamblejaj biskupaŭ. Jon vykazaŭ nadzieju, što carkoŭnyja ijerarchi pačujuć «hołas chryścijanina», jaho ŭčynak «hłyboka asabisty» i staŭ vynikam «ciažkaha i ryzykoŭnaha rašeńnia, uličvajučy hamafobnuju atmaśfieru ŭ katalickaj carkvie».
Pavodle daktryny kaścioła, homaseksualnyja pačućci — nie hrech, kali čałaviek trymaje ich u sabie. Ale homaseksualnyja akty — hrech.
Što da zvalnieńnia, to i śviatara, jaki b pryznaŭsia, što žyvie z žančynaj, taksama zvolnili b. U kaściole ksiandzy dajuć klatvu celibatu.
Ciapier čytajuć
Cichanoŭski na mitynhu ŭ Varšavie: Ja złamaju hety režym VIDEA3
Kamientary