Prezident Turcyi Redžep Taip Erdahan ličyć, što dziejańni RF u Siryi pryviaduć da izalacyi Rasii. Pra heta jon zajaviŭ pry znosinach z žurnalistami ŭ aeraporcie Ankary, pieradaje tureckaje ahienctva Anadolu Agency.
«Na žal, Rasija ciapier robić surjoznuju pamyłku, i ŭ mianie składvajecca ŭražańnie, što hety krok pryviadzie Rasiju da izalacyi ŭ rehijonie», — skazaŭ Erdahan.
«Čaho sprabuje damahčysia Rasija? Asad ździajśniaje dziaržaŭny teraryzm, a Rasija i Iran, na žal, padtrymlivajuć hetaha čałavieka. Krainy, jakija supracoŭničajuć z režymam Asada, buduć adkazvać pierad historyjaj», — ličyć Erdahan.
Turecki prezident taksama padtrymaŭ ideju ab stvareńni biespalotnaj zony na poŭnačy Siryi.
«Stvareńnie biespalotnaj zony — abaviazkova. U advarotnym vypadku heta budzie terytoryja, adkrytaja dla śmierci», — dadaŭ Erdahan.
U suśvietnych ŚMI źjaviłasia infarmacyja, što Choms, jaki bambiła rasijskaja avijacyja, znachodzicca pad kantrolem apazicyi, a nie bajevikoŭ ID. Bieły dom zajaviŭ, što Rasieja moža sutyknucca ź niehatyŭnymi dypłamatyčnymi nastupstvami, kali budzie nanosić ŭdary ŭ Siryi nie pa ekstremistach.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha82
Kamientary