U centry Minsku pjany kiroŭca na Nissan «prajechaŭ» 100 mietraŭ na dachu
U noč na niadzielu na skryžavańni praśpiekta Niezaležnaści i vulicy Babrujskaj u Minsku adbyłasia aŭtaavaryja. Pra padrabiaznaści sajtu Onliner.by raspaviała staršy inśpiektar DAI Maskoŭskaha rajona Luboŭ Trapaška.
27-hadovy mužčyna kiravaŭ aŭtamabilem Nissan Almera, jaki naležyć jaho baćkam. Pasažyrami ŭ aŭto byli jaho siabry — chłopiec i dziaŭčyna. Padjazdžajučy da vulicy Babrujskaj, chłopiec nie spraviŭsia z kiravańniem, začapiŭ bardziur, i mašyna pierakuliłasia. Paśla hetaha aŭtamabil kala 100 mietraŭ jechaŭ na dachu pa asfalcie i spyniŭsia jakraz pierad vyjezdam na Babrujskuju.
Sam kiroŭca paviedamiŭ inśpiektaram DAI, što jon ź siabrami vypivaŭ piva ŭ kaviarni. Na momant miedahladu ŭ jaho arhaniźmie było vyjaŭlena 0,44 pramile ałkaholu.
Kiroŭca zajaŭlaje, što darohu jamu pierabieh sabaka. Chacia inśpiektary DAI miarkujuć, što jon prosta ruchaŭsia na vialikaj chutkaści — asabliva kali ŭličyć šlach, jaki pa inercyi na dachu pieraadoleła mašyna.
Padčas avaryi aŭto atrymała surjoznyja paškodžańni.
USU rajać žycharam Biełharadskaj vobłaści vyviešvać žoŭta-błakitnyja ściahi ci pisać BNR, kab paźbiehnuć atak dronaŭ4
Kamientary