Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach
U Andreja Bierastavoha bolš za 20 hadoŭ dośviedu pracy ŭ dyzajnie, a apošnija 15 jon pracuje ŭ IT. U druhoj pałovie 2024-ha jaho zatrymali — padobna, pryčyna ŭ kamientarach u telehramie.
Andreju Bierastavomu 44 hady. Jon hamialčuk. U 1999-m skončyŭ Homielski mašynabudaŭničy kaledž.
Z kanca 2002 hoda jon pracuje ŭ IT i zajmajecca dyzajnam. Pačynaŭ jak hrafičny dyzajnier u biełaruskich studyjach Artlex i Kashan. Tam jon stvaraŭ dyzajn upakoŭki, pramacyjnych praduktaŭ, dyzajn sajtaŭ i hetak dalej.
Apošnija 15 hadoŭ jon zajmaŭsia UX/UI-dyzajnam — stvareńniem zručnych dla karystalnika interfiejsaŭ i vizualnaha afarmleńnia dla prahram i veb-praduktaŭ. Jon pracavaŭ u mižnarodnaj IT-kampanii Add-in Express/Ablebits, dzie prajšoŭ šlach ad dyzajniera da kiraŭnika dyzajn-kamandy. Z sakavika 2023-ha pierajšoŭ na pracu jak viadučy UX/UI dyzajnier u hruzinski ofis kampanii. Viadoma, što pieryjadyčna jeździŭ u Biełaruś.
U kampanii Ablebits Andrej Bierastavy pracavaŭ nad dyzajnam roznych praduktaŭ, u tym liku nad mabilnaj prahramaj Meds and Pill Reminder, jakaja dapamahaje nie zabyvać pra leki.
U Bierastavoha šmat chobi. Naprykład, jon rabiŭ sajt ruskamoŭnaj supolnaści karystalnikaŭ navihatara Waze — waze.su. Taksama vyroščvaŭ jahady i rabiŭ pra heta resurs, dzie raspaviadaŭ, jak pravilna ich dahladać.
Apošni raz Andrej niešta kamientavaŭ u telehramie ŭ žniŭni 2024 hoda. Imavierna, jaho zatrymali naprykancy žniŭnia abo ŭ pačatku vieraśnia 2024-ha — jon akurat pisaŭ, što jedzie ŭ Biełaruś.
Mužčynu asudzili ŭ 2025 hodzie pa čatyroch artykułach — «zakliki da pryčynieńnia škody Biełarusi» (č.3 art. 361 KK), «paklop na Łukašenku» (č.2 art. 367 KK), «finansavańnie ekstremisckaj dziejnaści» (č.1 i č.2 art. 361-2 KK) i «ŭdzieł u dziejańniach, jakija hruba parušajuć hramadski paradak» (č.1 art. 342 KK).
Zrazumieła tolki, što padstavaj mahli stać kamientary Bierastavoha ŭ telehramie. Jon karystaŭsia starym akaŭntam, pryviazanym da jahonaha ŭłasnaha biełaruskaha numaru, i starym niknejmam, jaki vykarystoŭvaŭ paŭsiul.
Bierastavomu pahražała da 12 hadoŭ kałonii. Sutnaść abvinavačańniaŭ i dakładny prysud nieviadomyja, ale mužčyna zastaŭsia ŭ źniavoleńni.
«Naša Niva» — bastyjon biełaruščyny
PADTRYMAĆ
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary