Lidary apazicyi Mikałaj Statkievič, Uładzimir Niaklajeŭ i Anatol Labiedźka zaklikali mižnarodnuju supolnaść nie pryznavać vyniki prezidenckich vybaraŭ u Biełarusi. Pra heta jany zajavili na sumiesnaj pres-kanfierencyi ŭ Minsku ŭviečary 11 kastryčnika.
«Zaviaršyłasia palityčnaja kampanija pad nazvaj» vybary prezidenta Respubliki Biełaruś «, — zajaviŭ Niaklajeŭ. — Jana skłałasia całkam pradkazalnaj: było zajaŭlena, što sapraŭdny prezident — heta taki prezident, jaki maje nie mienš 82% (majecca na ŭvazie niadaŭniaje vykazvańnie Łukašenki), i heta spraŭdžvajecca».
Pa słovach Niaklajeva, lidery apazicyi sabralisia, kab zajavić: «zhulany biełaruskim režymam vybarčy śpiektakl vybarami nie ličym, i hetyja vybary nie pryznajem». Padstaŭ dla hetaha bolš čym dastatkova, padkreśliŭ jon. «Heta nie tolki dadzienyja niezaležnych naziralnikaŭ, ale i toj fakt, što ŭłada ažyćciaviła padrobku, — skazaŭ palityk. — Nikoli jašče tak hvałtoŭna režym nia zahaniaŭ ludziej na vybarčyja ŭčastki dla daterminovaha hałasavańnia, dzie pa vopytu papiarednich kampanij, my viedajem, što adbyvajucca stopracentnyja falsifikacyi».
Pa słovach Niaklajeva, hetuju vybarčuju kampaniju možna nazvać «jak zaŭhodna, tolki nie vybarami». «Heta ździek nad narodam, ździek nad hramadzianami Biełarusi. My zaklikajem mižnarodnuju supolnaść mienavita tak acanić toje, što adbyłosia 11 kastryčnika, i hetyja vybary ni ŭ jakim razie nie pryznavać», — zajaviŭ palityk.
U svaju čarhu lidar Abjadnanaj hramadzianskaj partyi Anatol Labiedźka adznačyŭ: važna nie dapuścić nie tolki pryznańnia vybaraŭ, ale i lehitymnaści Łukašenki na mižnarodnaj arenie.
Ciapier čytajuć
«Stajać na svaim, kožny na kolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary