U Biełarusi nie było zatrymańnia futbolnych fanataŭ za toje, što jany vykarystoŭvali šalik z vyjavaj hierba «Pahonia», hetyja ludzi byli zatrymanyja za pravaparušeńnie. Pra heta skazaŭ siońnia žurnalistam ministr unutranych spraŭ Biełarusi Ihar Šunievič, paviedamlaje BiełTA.
Ministr kaža, što ŭ Biełarusi nie isnuje administracyjnaj adkaznaści za vykarystańnie takoha hierba. «Nie treba ŭ hetaj suviazi śpiekulavać na takoj infarmacyi. Heta była banalnaja situacyja, kali zaŭziatary łajalisia niecenzurna i nie reahavali na zaŭvahi».
Troje zaŭziataraŭ zbornaj Biełarusi byli zatrymanyja padčas hulni adboračnaha turniru Jeŭra-2016 Biełaruś — Makiedonija, što prajšoŭ na «Barysaŭ-Arenie» viečaram 12 kastryčnika.
Milicyja śćviardžaje, što «jany niecenzurna łajalisia», zaŭziatary nastojvajuć na tym, što ich zatrymali za šaliki z histaryčnym hierbam «Pahonia». Noč i ranicu jany praviali ŭ pastarunku.
Viečaram 13 kastryčnika ŭ rajonnym sudzie Barysava byŭ abvieščany prysud. Vitalu Bućko, Źmitru Chviedaruku i Juryju (proźvišča nazyvać nie zachacieŭ) prysudzili štrafy ŭ 10 bazavych vieličyń (1,8 miljony rubloŭ). Ich abvinavacili ŭ drobnym chulihanstvie i niepadparadkavańni milicyi.
Incydent nabyŭ vialiki rozhałas u zaŭziatarskich kołach i ŭ internecie.
Hladzieć taksama:
Źmicier Chviedaruk: U milicyi nam kazali: «Vy chočacie, kab było, jak u Łuhansku, dzie banderaŭcy jaduć dziaciej?»
«Za šalik z «Pahoniaj» ciabie mohuć nazvać fašystam». Jak pryjści na fan-siektar zbornaj i trapić u sud
FK «Nioman» zastupiŭsia za svajho zaŭziatara: Jon nie moh apuścicca da niecenzurnaj łajanki
Asudžany fanat: «Zatrymali za šalik z zarehistravanaj simvolikaj — «Pahoniaj». Pra što tut jašče možna kazać…»
«Słova na «p» i «d». Kak osudili fanatov sbornoj Biełarusi
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary