26—27 kastryčnika ministr zamiežnych spraŭ Biełarusi Uładzimir Makiej budzie znachodzicca z rabočym vizitam u Maskvie.
Jak paviedamiŭ pres-sakratar MZS Dźmitryj Mirončyk 22 kastryčnika na bryfinhu ŭ Minsku, asnoŭnaja meta vizitu — udzieł u sumiesnym pasiadžeńni kalehij źniešniepalityčnych viedamstvaŭ dźviuch krain.
«Padčas sumiesnaha pasiadžeńnia buduć padviedzieny vyniki vykanańnia prahramy ŭzhodnienych dziejańniaŭ u halinie źniešniaj palityki dziaržaŭ-udzielnic ab stvareńni Sajuznaj dziaržavy na 2014—2015 hady, — skazaŭ Mirončyk. — Baki abmiarkujuć šyroki śpiektr pytańniaŭ supracoŭnictva pamiž dźviuma krainami na dvuchbakovaj asnovie, a taksama na mižnarodnaj arenie, u tym liku na AANaŭskaj placoŭcy ŭ kantekście 70-hodździa arhanizacyi, akreślać sumiesnyja aryjenciry dla dalejšaha raźvićcia intehracyi».
Mirončyk adznačyŭ, što pa vynikach pasiadžeńnia čakajecca pryniaćcie prahramy ŭzhodnienych dziejańniaŭ u halinie źniešniaj palityki na 2016—2017 hady, a taksama zaćviardžeńnie płana kansultacyj pamiž ministerstvami zamiežnych spraŭ dźviuch krain na 2016 hod.
Pavodle słoŭ pres-sakratara, u Maskvie kiraŭnik MZS Biełarusi praviadzie pieramovy z rasijskim kaleham Siarhiejem Łaŭrovym, padčas jakich «buduć abmierkavany klučavyja pytańni supracoŭnictva, u tym liku ŭ mižnarodnych arhanizacyjach».
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary