26—27 кастрычніка міністр замежных спраў Беларусі Уладзімір Макей будзе знаходзіцца з рабочым візітам у Маскве.
Як паведаміў прэс-сакратар МЗС Дзмітрый Мірончык 22 кастрычніка на брыфінгу ў Мінску, асноўная мэта візіту — удзел у сумесным пасяджэнні калегій знешнепалітычных ведамстваў дзвюх краін.
«Падчас сумеснага пасяджэння будуць падведзены вынікі выканання праграмы ўзгодненых дзеянняў у галіне знешняй палітыкі дзяржаў-удзельніц аб стварэнні Саюзнай дзяржавы на 2014—2015 гады, — сказаў Мірончык. — Бакі абмяркуюць шырокі спектр пытанняў супрацоўніцтва паміж дзвюма краінамі на двухбаковай аснове, а таксама на міжнароднай арэне, у тым ліку на ААНаўскай пляцоўцы ў кантэксце 70-годдзя арганізацыі, акрэсляць сумесныя арыенціры для далейшага развіцця інтэграцыі».
Мірончык адзначыў, што па выніках пасяджэння чакаецца прыняцце праграмы ўзгодненых дзеянняў у галіне знешняй палітыкі на 2016—2017 гады, а таксама зацвярджэнне плана кансультацый паміж міністэрствамі замежных спраў дзвюх краін на 2016 год.
Паводле слоў прэс-сакратара, у Маскве кіраўнік МЗС Беларусі правядзе перамовы з расійскім калегам Сяргеем Лаўровым, падчас якіх «будуць абмеркаваны ключавыя пытанні супрацоўніцтва, у тым ліку ў міжнародных арганізацыях».
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты19
Каментары