Ustupleńnie Biełarusi ŭ SHA, paśpiachovaja praca ŭ JEAES i Sajuznaj dziaržavie nieparyŭna źviazany z reformami, zajaviŭ staršynia Savieta Respubliki Michaił Miaśnikovič 23 kastryčnika ŭ Minsku na mižnarodnaj kanfierencyi «Prablemy prahnazavańnia i dziaržaŭnaha rehulavańnia sacyjalna-ekanamičnaha raźvićcia».
«Kali nie pravodzić reformaŭ, a farsiravać intehracyjnyja pracesy na bazie taho, što jość, to vyniki mohuć apynucca navat admoŭnymi», — papiaredziŭ jon.
Miaśnikovič adznačyŭ, što ŭstupleńnie ŭ SHA pryniasie źmianieńnie struktury ekanomiki, rynku pracy i zarobkaŭ, abvostracca prablemy šerahu pradpryjemstvaŭ, źmienicca mahčymaść padtrymki vioski, uzraście nahruzka na ekanomiku ŭ cełym.
«Ale adkryvajucca vialikija mahčymaści dla realizacyi našych tavaraŭ na suśvietnych rynkach»,— upeŭnieny jon. Kiraŭnik Savieta Respubliki padkreśliŭ, što ŭstupleńnie ŭ SHA nie budzie aznačać aŭtamatyčnaha abnuleńnia ŭvaznych mytnych pošlin. «Razam z tym SHA vałodaje instrumientami, jakija dazvalajuć abaraniać tuju ci inšuju halinu. Treba ŭ hetym kirunku papracavać», — zaklikaŭ Miaśnikovič.
«Što tyčycca JEAES, — praciahvaŭ jon, — to padpisany ŭ minułym hodzie dahavor ab jaho stvareńni nie apraŭdvaje mnohich čakańniaŭ. Šmat u čym — z-za pierachodnaha pieryjadu da 2020 hoda. Akramia taho, tolki pa handli tavarami isnuje kala 400 barjeraŭ. Usio heta nie mahło nie adbicca na abjomie ŭzajemnaha handlu JEAES z trecimi krainami, jaki źniziŭsia na tracinu».
Miaśnikovič taksama zajaviŭ, što Rasija — heta hałoŭny kankurent biełaruskich tavaraŭ: «Heta adzin i toj ža siehmient cenaŭ, uzrovień jakaści, ale sabiekošt ŭ ich nižejšy: cana na haz dla pradpryjemstvaŭ u Rasii nižejšyja ŭ try razy, elektraenierhii — u 1,5 razy, padatkovaja nahruzka — na 10-15%».
Staršynia vierchniaj pałaty zaklikaŭ Minekanomiki i jaho NDI praličyć metazhodnaść zaličeńnia ŭ biudžet hazavaj delty, kali kančatkovamu spažyŭcu ŭ Biełarusi haz pradajuć značna daražej, čym jon kaštuje na ŭvachodzie ŭ krainu.
«Zrazumieła, što dla biudžetu z hetaj deltaj spakajniej, ale moža źnizić hetuju nahruzku, zabiaśpiečyć źnižeńnie sabiekoštu i pavysić kankurentazdolnaść našych tavaraŭ?» — pacikaviŭsia Miaśnikovič. Pra toje, ci varta pry hetym likvidavać pierakryžavanaje subsidavańnie i padniać canu dla nasielnictva śpikier nie ŭzhadvaŭ.
Kamientary