Sučasnyja litaratary čytajuć tvory rasstralanych piśmieńnikaŭ VIDEA
Biełaruskija litaratary Uładzimir Niaklajeŭ, Uładzimir Arłoŭ, Viktar Marcinovič, Adam Hłobus, Aleś Płotka, Lavon Volski, Jeva Viežnaviec i žurnalist i hramadski dziejač Hleb Łabadzienka čytajuć tvory rasstralanych u 1937 hodzie piśmieńnikaŭ.
Nahadajem, u noč z 29 na 30 kastryčnika 1937 hoda ŭ budynku NKVD u Minsku byli rasstralanyja bolš za 100 pradstaŭnikoŭ nacyjanalnaj elity krainy. Siarod zabitych byli piśmieńniki, paety, navukoŭcy, hramadskija i palityčnyja dziejačy. Dakładnaj kolkaści represavanych my nie viedajem dahetul — archivy KDB zastajucca zakrytymi. Siarod rasstralanych u tuju noč byli paety Aleś Dudar, Todar Klaštorny, Jurka Lavonny, Valeryj Marakoŭ, Siarhiej Murzo, Ziama Pivavaraŭ, Julij Taŭbin, Izi Charyk, Michaś Čarot, Aron Judelson, prazaiki Płaton Hałavač, Michaś Zarecki, Vasil Kaval, Majsiej Kulbak, Vasil Stašeŭski, litaraturnyja krytyki Jakaŭ Branštejn, Sałamon Levin, Piatro Chatuloŭ, Makar Šałaj, žurnalisty Viktar Vajnoŭ, Pavieł Šastakoŭ i mnohija inšyja. Miescy pachavańniaŭ da hetaha času nie viadomyja.
Zahad ab rasstrele «vorahaŭ naroda» byŭ padpisany Stalinym i Mołatavym i ŭklučaŭ śpis sa 103 imionaŭ. U Minsku jaho dapoŭnili jašče niekalkimi dziasiatkami čałaviek.
Adznačym, što dniami ŭ novaj sieryi «Maja biełaruskaja kniha» vyjšaŭ raman Majsieja Kulbaka «Zielmancy» u pierakładzie ź idyš Vitala Volskaha.
Kamientary