Prahnoz: da kanca hoda dalar naŭrad ci budzie kaštavać daražej za 18 tysiač rubloŭ
A voś u 2016 h. nas čakaje epocha mocnaha dalara.
Pieradumoŭ dla uzrušeńniaŭ na valutnym rynku Biełarusi ŭ bližejšyja miesiacy niama. Chutčej za ŭsio, košt košyka valut (dalar, jeŭra, rasijski rubiel) padnimiecca da kanca hoda na 3-4%. Prykładna hetak ža źmienicca i kurs asobnych valut. Taki prahnoz ahučyła kampanija Alpary na vystavie finansavych pasłuh «ManiFest».
«Kali praanalizavać pavodziny valutnaha košyka ŭ hetym hodzie, to možna ŭbačyć, što jon daražeje kožny miesiac u siarednim na 1,5-2%, — nahadvaje staršy analityk Alpary Vadzim Iosub. — Dumaju, da kanca hoda ničoha nie źmienicca, košyk padaražeje na 3-4%, toje ž samaje možna skazać i pa kožnaj valucie asobna».
Heta značyć, pa słovach ekśpierta, dalar u Biełarusi ŭ kancy hoda budzie kaštavać nie daražej za 18 tysiač rubloŭ.
Taki prahnoz dazvalaje zrabić pavodziny cany na naftu. Jana, na dumku analityka, ciapier znajšła svoj raŭnavažny ŭzrovień — u rajonie 50 dalaraŭ za baral. Mahčyma, ceńnik «čornaha zołata» budzie vahacca ŭ kalidory plus-minus 5 dalaraŭ, a heta značyć, što niejkich šokavych uzrušeńniaŭ ni z rasijskim rublom, ni, jak śledstva, ź biełaruskim adbyvacca nie budzie.
A voś ŭ 2016 hodzie ŭvieś śviet čakaje epocha mocnaha dalara.
«Chutčej za ŭsio, klučavaja staŭka FRS budzie pavyšana, a značyć, nas čakaje rezki rost dalara i padzieńnie ŭsiaho astatniaha», — padzialiŭsia prahnozam starejšy analityk.
Jak pavodzić siabie zvyčajnym biełarusam u epochu mocnaha «amierykanca»?
«Kali vy robicie niejkija doŭhaterminovyja źbieražeńni — na hod, dva i bolš — ja b rekamiendavaŭ pałovu srodkaŭ zachoŭvać u biełaruskich rublach, ale nie pad paduškaj, a na depazitach pad 29-30% hadavych, a druhuju pałovu — u dalarach, — daje paradu Vadzim Iosub. — A voś ad taho, kab zachoŭvać hrošy ŭ jeŭra, rasijskich rublach abo kuplać na ich załatyja źlitki, ja b ustrymaŭsia».
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam7
Kamientary