Saviet Respubliki na pasiadžeńni siesii 30 kastryčnika pazbaviŭ niedatykalnaści člena vierchniaj pałaty parłamienta Andreja Paŭłoŭskaha, paviedamili ŭ pres-słužbie SR.
tut.by
«Hetaje rašeńnie pryniata na padstavie materyjałaŭ, što pastupili z pravaachoŭnych orhanaŭ, jakija tyčylisia jaho dziejnaści jak uładalnika kamiercyjnych struktur, i nie źviazana z ažyćciaŭleńniem im paŭnamoctvaŭ člena Savieta Respubliki», — havorycca ŭ paviedamleńni pres-słužby SR.
Pavodle źviestak tut.by, Paŭłoŭskaha nie tolki pazbavili niedatykalnaści, ale i zatrymali supracoŭniki KDB. «Siońnia [u Saviecie Respubliki] vystupiŭ [staršynia KDB Valeryj] Vakulčyk i skazaŭ, nakolki my zrazumieli, pra ŭtojvańnie padatkaŭ strukturami Paŭłoŭskaha», — raspavioŭ adzin z členaŭ SR. «Samoha biznesmena ŭ zale nie było», — dadaŭ jon.
Pa słovach kalehi Paŭłoŭskaha, biznesmen, vierahodna, byŭ niezadoŭha da hetaha zatrymany supracoŭnikami pravaachoŭnych orhanaŭ. «Ciapier nie čas dla kamientaroŭ. Kali Andrej Paŭłavič vyjdzie, moža być, usio sam raskaža», — skazaŭ znajomy Paŭłoŭskaha.
Mabilny telefon Andreja Paŭłoŭskaha nie adkazvaje. U pres-słužbie KDB nie zmahli dać apieratyŭny kamientar.
***
Andrej Paŭłoŭski — člen pastajannaj kamisii Savieta Respubliki Nacyjanalnaha schodu pa ekanomicy, biudžecie i finansach. Byŭ abrany členam SR piataha sklikańnia ad Hrodzienskaj vobłaści (vyłučany ad Vaŭkavyskaha, Dziatłaŭskaha i Słonimskaha rajonaŭ).
Paŭłoŭski — člen Savieta pa raźvićci pradprymalnictva ŭ Respublicy Biełaruś. Staršynia ahulnaha schodu ŭdzielnikaŭ tavarystva z abmiežavanaj adkaznaściu «Bijakom».
Maje padziačnyja listy Hrodzienskaha abłasnoha savieta deputataŭ, Biełaruskaha dziciačaha doma, ustanovy achovy zdaroŭja «Hrodzienski dom dziciaci źmiešanaha typu» i chrama Śviatych apostałaŭ Piatra i Paŭła.
Uznaharodžany hanarovymi hramatami Hrodzienskaha haradskoha savieta deputataŭ, dziaržaŭnaj ustanovy «Administracyja svabodnaj ekanamičnaj zony «Hrodnainviest», ordenam Ruskaj pravasłaŭnaj carkvy Śviaciciela Kiryły Turaŭskaha.
