Савет Рэспублікі на пасяджэнні сесіі 30 кастрычніка пазбавіў недатыкальнасці члена верхняй палаты парламента Андрэя Паўлоўскага, паведамілі ў прэс-службе СР.
«Гэтае рашэнне прынята на падставе матэрыялаў, што паступілі з праваахоўных органаў, якія тычыліся яго дзейнасці як уладальніка камерцыйных структур, і не звязана з ажыццяўленнем ім паўнамоцтваў члена Савета Рэспублікі», — гаворыцца ў паведамленні прэс-службы СР.
Паводле звестак tut.by, Паўлоўскага не толькі пазбавілі недатыкальнасці, але і затрымалі супрацоўнікі КДБ. «Сёння [у Савеце Рэспублікі] выступіў [старшыня КДБ Валерый] Вакульчык і сказаў, наколькі мы зразумелі, пра ўтойванне падаткаў структурамі Паўлоўскага», — распавёў адзін з членаў СР. «Самога бізнэсмэна ў зале не было», — дадаў ён.
Па словах калегі Паўлоўскага, бізнэсмэн, верагодна, быў незадоўга да гэтага затрыманы супрацоўнікамі праваахоўных органаў. «Цяпер не час для каментароў. Калі Андрэй Паўлавіч выйдзе, можа быць, усё сам раскажа», — сказаў знаёмы Паўлоўскага.
Мабільны тэлефон Андрэя Паўлоўскага не адказвае. У прэс-службе КДБ не змаглі даць аператыўны каментар.
***
Андрэй Паўлоўскі — член пастаяннай камісіі Савета Рэспублікі Нацыянальнага сходу па эканоміцы, бюджэце і фінансах. Быў абраны членам СР пятага склікання ад Гродзенскай вобласці (вылучаны ад Ваўкавыскага, Дзятлаўскага і Слонімскага раёнаў).
Паўлоўскі — член Савета па развіцці прадпрымальніцтва ў Рэспубліцы Беларусь. Старшыня агульнага сходу ўдзельнікаў таварыства з абмежаванай адказнасцю «Біяком».
Мае падзячныя лісты Гродзенскага абласнога савета дэпутатаў, Беларускага дзіцячага дома, установы аховы здароўя «Гродзенскі дом дзіцяці змешанага тыпу» і храма Святых апосталаў Пятра і Паўла.
Узнагароджаны ганаровымі граматамі Гродзенскага гарадскога савета дэпутатаў, дзяржаўнай установы «Адміністрацыя свабоднай эканамічнай зоны «Гроднаінвест», ордэнам Рускай праваслаўнай царквы Свяціцеля Кірылы Тураўскага.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя10
Каментары