Siarod zahinułych u avijakatastrofie rasijskaha samalota ŭ Jehipcie — 28-hadovy biełarus
Adzin z pasažyraŭ rejsa «Šarm-eš-Šejch — Sankt-Pieciarburh», jaki raźbiŭsia ŭ niebie nad Jehiptam, — 28-hadovy Raman Sieradzinski.
U śpisach pasažyraŭ jon paznačany ŭ biełaruskaj transkrypcyi Raman Seradzinski.
Chłopiec naradziŭsia ŭ Kličavie (Mahiloŭskaja vobłaść), dzie i skončyŭ škołu. Paśla Raman vučyŭsia ŭ Mahiloŭskim sielskahaspadarčym technikumie.
U siaredzinie 2000-ych Raman źjechaŭ u Sankt-Pieciarburh, dzie pierachodziŭ z pracy na pracu. Na jahonaj staroncy va Ukantakcie paznačana, što ciapier jon byŭ uładkavany ŭ kampanii «Alijans».
Apošni raz Raman zachodziŭ na svaju staronku Ukantakcie ŭviečary 30 kastryčnika, za noč da vyletu.
Tydzień tamu jon vystaviŭ novy avatar — zdymak ź jehipieckaha kurorta.
* * *
Svajaki Ramana ŭžo viedajuć pra trahiedyju, adnak pakul nie hatovyja kamientavać situacyju.
* * *
Kampiensacyja siemjam zahinułych składzie kala 2 miljonaŭ rasijskich rubloŭ (heta kala $32 tysiač u ekvivalencie).
Ciapier čytajuć
Syna eks-kiraŭnika Bresckaj vobłaści asudzili za ŭdzieł u pratestach11
Kamientary