Časopis Forbes u sieradu apublikavaŭ štohadovuju viersiju svajho śpisu samych upłyvovych ludziej u śviecie. Treci raz zapar rejtynh uznačaliŭ prezident Rasii Uładzimir Pucin.
«Prezident Rasii ŭ čarhovy raz dakazaŭ, što jon adzin ź niamnohich ludziej u śviecie, jakija vałodajuć dastatkovaj uładaj, kab rabić usio, što jany chočuć — i zastavacca biespakaranymi», — pišuć pra Pucina aŭtary rejtynhu.
U druhim radku śpisu — fiederalny kancler Hiermanii Anhieła Mierkiel, jakaja taksama stała samaj upłyvovaj u śpisie žančynaj. Letaś Mierkiel zajmała piaty radok rejtynhu. Aŭtary Forbes adznačajuć, što Mierkiel, jakaja znachodzicca va ŭładzie ŭžo 10 hadoŭ, zastajecca na svajoj pasadzie daŭžej za ŭsich astatnich jeŭrapiejskich lidaraŭ.
Druhoj žančynaj, jakaja patrapiła ŭ dziasiatku samych upłyvovych ludziej śvietu, stała kiraŭnica Fiederalnaha reziervovaha fondu ZŠA Džaniet Jelen, jakaja zaniała siomaje miesca.
Z druhoha miesca na treciaje apuściŭsia prezident ZŠA Barak Abama. Aŭtary rejtynhu adznačajuć, što ŭpłyŭ Abamy pamianšajecca pa miery taho, jak padychodzić da kanca jaho druhi prezidencki termin.
«U Jeŭropie jaho zasłaniaje Anhieła Mierkiel, a na Blizkim Uschodzie pierajhraje Uładzimir Pucin», — pišuć aŭtary Forbes.
Čaćviorty radok zaniaŭ papa Francišak, jakomu aŭtary staviać u zasłuhu źmienu kansiervatyŭnaha imidžu Katalickaj carkvy.
Na piatym miescy — kiraŭnik Kitaja Si Czińpin, jaki źmiaściŭsia na dva radki nižej u paraŭnańni ź minułym hodam. Aŭtary rejtynhu nazyvajuć Si, mahčyma, «samym upłyvovym kitajskim lidaram z časoŭ Mao Czeduna».
Brytanski premjer Devid Kemieran trapiŭ na vośmy radok śpisu. Jak adznačajuć aŭtary rejtynhu, lidar adzinaha za 23 hady ŭrada Brytanii, u jakim daminujuć siabry partyi kansiervataraŭ, robić pośpiechi ŭ sacsietkach.
Dziaviaty i dziasiaty radok u rejtynhu dastalisia adpaviedna premjer-ministru Indyi Narendry Modzi i suzasnavalniku karparacyi Google Łary Pejdžu, u toj čas jak zasnavalnik Microsoft Bił Hiejts trymaje vysokija pazicyi — u 2015 hodzie Forbes źmiaščaje jaho na šostaje miesca.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary