Razhlad administracyjnych spraŭ u dačynieńni da lidara ruchu «Za dziaržaŭnaść i niezaležnaść Biełarusi» Uładzimira Niaklajeva za ŭdzieł u vuličnych akcyjach adbudziecca 12 listapada ŭ 10 hadzin u sudzie Centralnaha rajona Minska. Ab hetym jamu paviedamili, uručyŭšy adpaviednuju pozvu, paviedamiŭ palityk BiełaPAN.
Niaklajeŭ nahadaŭ, što nierazhledžanymi zastajucca dva składzienyja na jaho pratakoły — za ŭdzieł u «Šeści nacyjanalnaha ściaha» 10 kastryčnika i ŭ akcyi pamiaci achviar stalinskich represij kala budynka KDB 29 kastryčnika.
Palityk udakładniŭ, što nie źbirajecca prychodzić u sud 12 listapada.
Eks-palitźniavoleny Mikałaj Statkievič, u dačynieńni da jakoha taksama 29 kastryčnika byŭ składzieny administracyjny pratakoł, paviedamiŭ, što nie viedaje, ci pryznačany razhlad jaho spravy ŭ sudzie Centralnaha rajona. «Ja nie źviartaju na heta ŭvahi», — zajaviŭ palityk.
Raniej stała viadoma, što ŭ hety ž dzień za ŭdzieł u akcyi kala budynka KDB buduć sudzić staršyniu Abjadnanaj hramadzianskaj partyi Anatola Labiedźku. Sud nad im taksama pryznačany na 10.00.
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas13
Kamientary