Разгляд адміністрацыйных спраў у дачыненні да лідара руху «За дзяржаўнасць і незалежнасць Беларусі» Уладзіміра Някляева за ўдзел у вулічных акцыях адбудзецца 12 лістапада ў 10 гадзін у судзе Цэнтральнага раёна Мінска. Аб гэтым яму паведамілі, уручыўшы адпаведную позву, паведаміў палітык БелаПАН.
Някляеў нагадаў, што неразгледжанымі застаюцца два складзеныя на яго пратаколы — за ўдзел у «Шэсці нацыянальнага сцяга» 10 кастрычніка і ў акцыі памяці ахвяр сталінскіх рэпрэсій каля будынка КДБ 29 кастрычніка.
Палітык удакладніў, што не збіраецца прыходзіць у суд 12 лістапада.
Экс-палітзняволены Мікалай Статкевіч, у дачыненні да якога таксама 29 кастрычніка быў складзены адміністрацыйны пратакол, паведаміў, што не ведае, ці прызначаны разгляд яго справы ў судзе Цэнтральнага раёна. «Я не звяртаю на гэта ўвагі», — заявіў палітык.
Раней стала вядома, што ў гэты ж дзень за ўдзел у акцыі каля будынка КДБ будуць судзіць старшыню Аб'яднанай грамадзянскай партыі Анатоля Лябедзьку. Суд над ім таксама прызначаны на 10.00.
Цяпер чытаюць
Лукашэнка: Няпраўда, што я проста гару жаданнем пабываць у ЗША і проста паціснуць руку Трампу. Скажу шчыра, прыемна было б2
Каментары