Studenty na mitynhu kamunistaŭ: Paprasili pryjści za čatyry hadziny adpracoŭki VIDEA
Siońnia ranicaj na płoščy Niezaležnaści prajšoŭ mitynh u honar Kastryčnickaj revalucyi. Siarod jaho ŭdzielnikaŭ było šmat studentaŭ. Niekatoryja ź ich pryznalisia karespandentam NN, što ich «paprasili» pryjści va ŭniviersitecie ci internacie:
Asabliva niečakanymi akazalisia nastupnyja vykazvańni.
Studentka BDEU: — Nas zaprasili vychavacieli, my ź internata.
NN: — Što jany vam skazali? Prychodźcie siudy?
Studentka BDEU: — Čatyry hadziny adpracoŭki.
NN: — Šmat chto pryjšoŭ z vašaha internata?
Studentka BDEU: — Piatnaccać čałaviek.
* * *
Supracoŭnicy dziciačych sadkoŭ: «Nas adpraŭlali ad dziciačych sadkoŭ, adpraŭlali kiraŭnik, zahadčyca i mietadyst. Dobraachvotna adpravili siudy».
* * *
Student BDEU, fakultet finansaŭ i bankaŭskaj spravy: Pryjšoŭ, bo ŭvieś naš univiersitet idzie. Skazali nabrać 15 čałaviek, kab pryjści pastajać na płoščy Niezaležnaści.
* * *
Student IPD: — Nas paprasili pryjści, pryjšło čałaviek šeść z hrupy.
NN: — Čamu tak mała?
Student IPD: — Nie viedaju, moža prosta bolš nichto nie prahulvaje.
NN: — A što tut uvohule adbyvajecca?
Student IPD: — Nie viedaju, my jašče nie znajšli čałavieka, jaki pavinien nam patłumačyć, što rabić.
* * *
NN: — Što siońnia za śviata?
Dziaŭčyna: — Dzień Niezaležnaści Respubliki Biełaruś
* * *
NN: — U susiedniaj Ukrainie pomniki Leninu zvalvajuć z pjedestałaŭ. Što vy pra heta dumajecie?
Chłopiec u kurtcy z nadpisam «Kamunistyčnaja partyja Biełarusi»: — Nie viedaju, ja palitykaj nie cikaŭlusia.
* * *
Ihar Karpienka, namieśnik kiraŭnika Minharvykankama i lidar Kamunistyčnaj partyi Biełarusi vykazaŭsia nakont zabarony savieckaj simvoliki:
«Toje, što siońnia ŭ niekatorych krainach sprabujuć zabaranić hetu simvoliku [sierp i mołat – NN], heta raŭnavarta tamu, kab zabaranić soncu ŭzychodzić nad ziamloj ci kab ziamny šar pierastaŭ krucicca. Tamu zabaranić heta niemahčyma. Idei znachodziacca ŭ sercy, u rozumie».
Ciapier čytajuć
Čamu ŭ biełaruskaj turmie tak mocna chudziejuć? Tłumačym3
Kamientary