Студэнты на мітынгу камуністаў: Папрасілі прыйсці за чатыры гадзіны адпрацоўкі ВІДЭА
Сёння раніцай на плошчы Незалежнасці прайшоў мітынг у гонар Кастрычніцкай рэвалюцыі. Сярод яго ўдзельнікаў было шмат студэнтаў. Некаторыя з іх прызналіся карэспандэнтам НН, што іх «папрасілі» прыйсці ва ўніверсітэце ці інтэрнаце:
Асабліва нечаканымі аказаліся наступныя выказванні.
Студэнтка БДЭУ: — Нас запрасілі выхавацелі, мы з інтэрната.
НН: — Што яны вам сказалі? Прыходзьце сюды?
Студэнтка БДЭУ: — Чатыры гадзіны адпрацоўкі.
НН: — Шмат хто прыйшоў з вашага інтэрната?
Студэнтка БДЭУ: — Пятнаццаць чалавек.
* * *
Супрацоўніцы дзіцячых садкоў: «Нас адпраўлялі ад дзіцячых садкоў, адпраўлялі кіраўнік, загадчыца і метадыст. Добраахвотна адправілі сюды».
* * *
Студэнт БДЭУ, факультэт фінансаў і банкаўскай справы: Прыйшоў, бо ўвесь наш універсітэт ідзе. Сказалі набраць 15 чалавек, каб прыйсці пастаяць на плошчы Незалежнасці.
* * *
Студэнт ІПД: — Нас папрасілі прыйсці, прыйшло чалавек шэсць з групы.
НН: — Чаму так мала?
Студэнт ІПД: — Не ведаю, можа проста больш ніхто не прагульвае.
НН: — А што тут увогуле адбываецца?
Студэнт ІПД: — Не ведаю, мы яшчэ не знайшлі чалавека, які павінен нам патлумачыць, што рабіць.
* * *
НН: — Што сёння за свята?
Дзяўчына: — Дзень Незалежнасці Рэспублікі Беларусь
* * *
НН: — У суседняй Украіне помнікі Леніну звальваюць з п’едэсталаў. Што вы пра гэта думаеце?
Хлопец у куртцы з надпісам «Камуністычная партыя Беларусі»: — Не ведаю, я палітыкай не цікаўлюся.
* * *
Ігар Карпенка, намеснік кіраўніка Мінгарвыканкама і лідар Камуністычнай партыі Беларусі выказаўся наконт забароны савецкай сімволікі:
«Тое, што сёння ў некаторых краінах спрабуюць забараніць гэту сімволіку [серп і молат – НН], гэта раўнаварта таму, каб забараніць сонцу ўзыходзіць над зямлёй ці каб зямны шар перастаў круціцца. Таму забараніць гэта немагчыма. Ідэі знаходзяцца ў сэрцы, у розуме».
Каментары