U Homieli pry praviercy pryvatnaha pradpryjemstva padatkovyja inśpiektary ŭstanavili ŭtojvańnie vyručki ŭ 4,4 miljarda rubloŭ.
Pavodle vynikaŭ pravierki pradpryjemstva, asnoŭnym vidam dziejnaści jakoha źjaŭlajecca vykanańnie ramontna-budaŭničych rabot, danaličanyja ŭ biudžet 1,6 młrd rubloŭ, u tym liku padatkaŭ — 1,2 młrd rubloŭ. Padstavaj dla pryznačeńnia pravierki pasłužyŭ nizki ŭzrovień rentabielnaści i padatkovaj nahruzki.
Jak paviedamlaje pres-centr IMPZ pa Homielskaj vobłaści, u metach ustanaŭleńnia paŭnaty adlustravańnia ŭ buchhałtarskim uliku pradpryjemstva finansava-haspadarčych apieracyj inśpiektarami praviedzienyja try sustrečnyja pravierki zamoŭcaŭ rabot. Ustanoŭleny fakt niesvoječasovaha adlustravańnia abjomaŭ budaŭničych rabot na 98,1 młn rubloŭ, a taksama nieadlustravańnie va ŭliku pradpryjemstva abjomaŭ budaŭničych rabot na 4,4 miljarda rubloŭ.
Nazvanyja abjomy rabot byli poŭnaściu pryniatyja i padpisanyja zamoŭcami ŭ adpaviednych pieryjadach, što padlahajuć praviercy.
Akramia taho, pry praviercy paŭnaty pravilnaści i svoječasovaści pieraličeńnia ŭ biudžet utrymanaha padachodnaha padatku z zarabotnaj płaty i inšych vypłat ustanoŭlenaja zavinavačanaść pa ŭtrymanaj, ale nie pieraličanaj u biudžet sumie padachodnaha padatku ŭ 706,7 młn rubloŭ.
Materyjały pravierki nakiravanyja va UDFR KDK pa Homielskaj vobłaści dla davańnia pravavoj acenki dziejańniam słužbovych asob pradpryjemstva
Kamientary