Pavodle słoŭ śpiecyjalistaŭ z Nacyjanalnaha statystyčnaha kamiteta, umacoŭvajecca pazityŭnaja tendencyja da źnižeńnia raspaŭsiudžanaści kureńnia siarod mužčyn. Tak, na pačatak biahučaha hoda ŭdzielnaja vaha kurcoŭ siarod mužčyn skłała 45,8 pracenta - u 1,1 raza mienš u paraŭnańni z 2010-m. Adnak uzrastaje dola kurcoŭ siarod maładych dziaŭčat i žančyn stałaha ŭzrostu (i heta pry dobraj infarmavanaści ab škodzie tytuniekureńnia dla zdaroŭja).
Tak, na pačatak 2015 hoda ŭdzielnaja vaha kurcoŭ siarod dziaŭčat va ŭzroście 16-19 hadoŭ skłała 6,8 pracenta (na pačatak 2010 hoda - 5,5 pracenta), siarod žančyn va ŭzroście 40-49 hadoŭ - 15 pracentaŭ (było 12,1 pracenta), va ŭzroście 50-59 hadoŭ - 8,8 pracenta (było 6,7 pracenta), va ŭzroście 60 hadoŭ i bolš - 2,4 pracenta (było 1,4 pracenta). Pry hetym za piać hadoŭ źniziłasia ŭdzielnaja vaha kurcoŭ siarod žančyn va ŭzroście 20-29 hadoŭ - z 17,6 pracenta da 9,9 pracenta, va ŭzroście 30-39 hadoŭ - z 18,1 pracenta da 16,5 pracenta.
Pavodle danych vybaračnaha abśledavańnia damašnich haspadarak pa ŭzroŭni žyćcia, u Biełarusi na pačatak 2015 hoda dola kurcoŭ siarod nasielnictva va ŭzroście 16 hadoŭ i starejšyja skłała 24,4 pracenta. Heta najmienšaje značeńnie hetaha pakazčyka za apošnija 5 hadoŭ (u 2010-m było 27 pracentaŭ). Źnižeńnie doli kurcoŭ adznačajecca praktyčna va ŭsich rehijonach respubliki.
Niehatyŭnym faktaram źjaŭlajecca vysokaja raspaŭsiudžanaść rehularnaha kureńnia, adznačyli ŭ Biełstacie. Tak, na pačatak 2015 hoda bolšaść kurcoŭ (93,2 pracenta mužčyn-kurcoŭ i 76 pracentaŭ žančyn-kurcoŭ) kuryli štodzień. Pry hetym siarod mužčyn, jakija kurać štodzień, dola tych, chto vykurvaŭ u dzień nie mienš za pačak cyharet, skłała 53,1 pracenta, siarod žančyn, jakija kurać štodzień, — 21,4 pracenta.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary