Siamja amierykanskaha padletka Achmieda Machamieda, jaki prynios u škołu ŭ Techasie samarobny hadzińnik i byŭ zatrymany palicyjaj, patrabuje kampiensacyi ŭ pamiery 15 młn dalaraŭ.
14-hadovaha školnika padvierhnuli palicejskamu dopytu i adchilili ad zaniatkaŭ, bo nastaŭnik pryniaŭ zrobleny im hadzińnik za bombu. Paśla hetaha incydentu baćki pryniali rašeńnie zabrać padletka sa škoły, nieŭzabavie stała viadoma, što jon praciahnie adukacyju ŭ Katary.
Jurysty, jakija pradstaŭlajuć intaresy siamji padletka, zajaŭlajuć, što aryšt nanios jamu psichałahičnuju traŭmu. Jany patrabujuć vybačeńniaŭ ad škoły, a taksama ad uładaŭ horada Irvinh, dzie adbyŭsia incydent. Bolšuju častku kampiensacyi, na dumku jurystaŭ, pavinien vypłacić horad — 10 młn dalaraŭ, a tyja, što zastalisia piać — rada škoły.
Aryšt padletka vyklikaŭ buru abureńnia ŭ sacsiekach, za Achmieda taksama zastupilisia niekatoryja navukoŭcy, palityki i znakamitaści, uklučajučy zasnavalnika Facebook Marka Cukierbierha, a taksama prezidenta ZŠA Baraka Abamu, jaki zaprasiŭ školnika ŭ Bieły dom.
Niekatoryja ličyli, što pryčynaj jaho vyklučeńnia stała jaho imia i musulmanskaje vieravyznańnie, adnak miascovyja ŭłady śćviardžali, što ich chvalavała tolki biaśpieka vučniaŭ.
Ciapier čytajuć
Zahinuŭ biełaruski dobraachvotnik Vasil «Dzir» Rapicki9
Kamientary