Сям'я амерыканскага падлетка Ахмеда Махамеда, які прынёс у школу ў Тэхасе самаробны гадзіннік і быў затрыманы паліцыяй, патрабуе кампенсацыі ў памеры 15 млн даляраў.
14-гадовага школьніка падвергнулі паліцэйскаму допыту і адхілілі ад заняткаў, бо настаўнік прыняў зроблены ім гадзіннік за бомбу. Пасля гэтага інцыдэнту бацькі прынялі рашэнне забраць падлетка са школы, неўзабаве стала вядома, што ён працягне адукацыю ў Катары.
Юрысты, якія прадстаўляюць інтарэсы сям'і падлетка, заяўляюць, што арышт нанёс яму псіхалагічную траўму. Яны патрабуюць выбачэнняў ад школы, а таксама ад уладаў горада Ірвінг, дзе адбыўся інцыдэнт. Большую частку кампенсацыі, на думку юрыстаў, павінен выплаціць горад — 10 млн даляраў, а тыя, што засталіся пяць — рада школы.
Арышт падлетка выклікаў буру абурэння ў сацсеках, за Ахмеда таксама заступіліся некаторыя навукоўцы, палітыкі і знакамітасці, уключаючы заснавальніка Facebook Марка Цукерберга, а таксама прэзідэнта ЗША Барака Абаму, які запрасіў школьніка ў Белы дом.
Некаторыя лічылі, што прычынай яго выключэння стала яго імя і мусульманскае веравызнанне, аднак мясцовыя ўлады сцвярджалі, што іх хвалявала толькі бяспека вучняў.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты30
Каментары