Cyrymonija ŭručeńnia Nobieleŭskaj premii adbudziecca 10 śniežnia ŭ Stakholmie.
Iniciatyva arhanizacyj «Cytuj svajo!», u jakuju ŭvachodziać Mižnarodny kansorcyum «JeŭraBiełaruś», hramadskaja kulturnickaja kampanija «Budźma biełarusami!», Latučy univiersitet, kursy biełaruskaj movy «Mova nanova» i Biełaruski Kalehium, prapanuje adśviatkavać takuju važnuju padzieju ŭ žyćci našaha hramadstva ŭsioj krainaj.
Inicyjatyva prapanuje pravieści svojeasablivy fłešmob z 10 da 13 śniežnia. «Pačniem fłešmob u dzień uračystaj cyrymonii ŭznaharodžeńnia spadaryni Śviatłany i praciahniem jaho da Dnia pamiaci śviatoj Lucyi. Heta staroje śviata Šviecyi».
Što ž prapanujuć rabić inicyjatary? Voś što jany pišuć u fejsbuku:
«1) Arhanizavać prahlad žyvoj tranślacyi ŭračystaj cyrymonii na publičnaj placoŭcy albo razam ź siabrami (niepasredna 10 śniežnia) albo prahlad zapisu cerymonii. Padčas tranślacyi prapanujem upryhožyć prastoru śviečkami jak dobraj asacyjacyjaj ź imiem piśmieńnicy i simvałam śviata, śviatła, niejkich śvietłych padziej u krainie.
2) Pierad prahladam albo paśla jaho možna arhanizavać čytańnie ŭryŭkaŭ z tvoraŭ spadaryni Śviatłany. Takija čytańni mohuć być arhanizavany i ŭ jakaści asobnaha mierapryjemstva.
3) U miescy prahlada (čytańniaŭ) albo u lubym dasiažnym dla šyrokaha koła naviedvalnikaŭ miescy było b dobra arhanizavać «paštovuju skryniu» albo «kuferak» dla vinšavańnia Śviatłany usimi achvočymi. U hetuju skryniu luby žadajučy zmoža pakłaści paštoŭki, listy ci prosta niejkuju pryjemnuju natatku ź vinšavańniem nobieleŭskaha łaŭreata. Skryni mohuć być arhanizavanyja z 10 śniežnia albo navat raniej i prastajać u hetym miescy da 24 śniežnia Paśla my źbiarem usio z hetych skryniaŭ i pieradadzim Śviatłanie ŭ jakaści vinšavańnia ad usioj krainy.
4) U sacsietkach luby achvočy moža vykładać svaje videaroliki, fotazdymki ci prosta vinšavańni ŭžyvajučy cheštehi #nobelrazam i#nobielrazam, a my budziem ich źbirać u stvoranych pad fłešmob supołkach u fejsbuku i Ukantakcie».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)