Alaksandr Łukašenka druhi dzień znachodzicca ŭ Ašchabadzie. Učora jon mieŭ sustreču z prezidentam Turkmienistana Hurbanhuły Bierdymuchamiedavym, a siońnia jon naviedaŭ miemaryjalny kompleks «Narodnaja pamiać».
Adnak pikantnaść hetamu vizitu dadaje toj fakt, što siońnia ŭ Turkmienistan taksama pryjedzie prezident Turcyi Redžep Taip Erdahan, pra heta paviedamlaje jahony aficyjny sajt. Całkam mahčyma, što ŭ Ašchabadzie adbudziecca sustreča kiraŭnikoŭ Biełarusi i Turcyi. Bo Łukašenka budzie znachodzicca ŭ Ašchabadzie da 12 śniežnia.
Sustreča moža adbycca na fonie antytureckaj kampanii, što prachodzić u rasijskich ŚMI i na vyšejšym dziaržaŭnym uzroŭni, paśla taho, jak Turcyja źbiła rasijski źniščalnik Su-24 na miažy ź Siryjaj.
Rasija ŭviała suprać Turcyi sankcyi. Ad 1 studzienia 2016 hoda ŭ Rasii zabaroniena prymać na pracu hramadzian Turcyi, taksama ŭviedziena embarha na prodaž sadaviny i harodniny. A pasolstva Turcyi ŭ Maskvie zakidali kamianiami i farbami.
U takich umovach sustreča Łukašenki i Erdahana sapraŭdy pavinny ŭsprymacca jak vielmi niečakany žest.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary