Ihnat Abdzirałovič - aŭtar maleńkaha ese «Adviečnym šlacham» i niesuvymierna vialikaj idei «lijučajsia formy». Amal nieviadomy ŭ minułym stahodździ, ciapier jon vyrazna bačycca nami jak pačynalnik samastojnaj biełaruskaj intelektualnaj tradycyi - jakaja i ŭźnikaje, kali my źviartajemsia da jaje pačatku, sprabujučy pračytać zapaviety zasnavalnikaŭ i ŭbačyć praź ich vobrazy budučyni. U čas, kali vialikija prajekty zdajucca vyčarpanymi i budučyniu treba stvarać nanova, idei Abdzirałoviča vyjaŭlajucca nievierahodna žyvymi i dziejsnymi.
U miežach Hodu biełaruskaha myśleńnia Latučy ŭniversitet u partniorstvie z hramadskaj kulturnickaj kampanijaj «Budźma biełarusami», kursami biełaruskaj movy «Mova Nanova» padrychtavaŭ intelektualny kaladny padarunak dla biełarusaŭ – cykł piaci lekcyj pra spadčynu Ihnata Abdzirałoviča. U miežach hetaha cykłu svaimi razvažańniami i refleksijami dzielacca sučasnyja biełaruskija fiłosafy: Pavieł Barkoŭski, Ihar Babkoŭ, Iryna Dubianieckaja, Michaił Bajaryn, Valancin Akudovič. Lekcyi adbuducca na praciahu śniežnia i studzienia ŭ piaci biełaruskich haradach: Harodnia, Homiel, Viciebsk, Maładziečna, Mahiloŭ.
17 śniežnia a 18.30 u haradzienskaj halerei «Kryha» Pavieł Barkoŭski pramović pieršuju lekcyju «Minułaja budučynia Biełarusi: zapaviet Ihnata Abdzirałoviča». Praz asensavańnie apisanaj Abdzirałovičam kulturałahičnaj i hieapalityčnaj dylemy pamiž Uschodam i Zachadam i prapanavanych im mahčymych scenaroŭ budučaha raźvićcia Biełarusi ŭ palityčnych, kulturnych, haspadarčych formach, razam ź lektaram sprabujem razvažać nad pytańniami: nakolki prapanovy, ahučanyja sto hod tamu, praciahvajuć zastavacca dziejsnymi ikarysnymi siońnia? Nakolki pasujuć siońniašnim varunkam našaha raźvićcia, dajuć nam naležny šlach?
Lekcyja adbudziecca pa adrasie: vuł. Savieckaja, 3-11 (halereja «Kryha»). Pačatak a 18.30. Uvachod volny!
Dadatkovaja infarmacyja pa teł.: +375291068594, +375297422040 (Miensk)
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary