Niamieckija navukoŭcy atrymali ŭstojlivuju płazmu, jakaja moža pryvieści da termajadziernaj revalucyi
Kali vyniki daśledčykaŭ Instytuta płaźmiennaj fiziki Maksa Płanka atrymajecca paŭtaryć, čałaviectva atrymaje praktyčna nievyčerpnuju krynicu čystaj enierhii jadziernaha sintezu.
10 śniežnia niamieckija navukoŭcy zrabili vielizarny krok na šlachu da dasiahnieńnia čystaj i praktyčna nievyčerpnaj enierhii jadziernaha sintezu, paviedamlaje vydańnie Science Alert.
Niamieckija navukoŭcy Instytuta płaźmiennaj fiziki Maksa Płanka dabilisia ŭstojlivaj termajadziernaj reakcyi ź pieravyšeńniem vyłučajemaj enierhii nad vydatkavanaj z dapamohaj pryłady, jakaja maje nazvu stełaratar. Navukoŭcy kazali ab vielizarnym patencyjale stełarataraŭ na praciahu dziesiacihodździaŭ, ale ŭpieršyniu zmahli damahčysia kantrolu nad płazmaj.
Jadzierny sintez adbyvajecca pry złučeńni atamaŭ pry zvyšvysokich tempieraturach i toić u sabie vielizarny patencyjał, jaki dazvalaje vyrablać praktyčna nieabmiežavanuju kolkaść enierhii. Anałahičnyja pracesy adbyvajucca na Soncy apošnija 4,5 młrd hadoŭ, zabiaśpiečvajučy enierhijaj u tym liku Ziamlu.
Kali niamieckija navukoŭcy zmohuć paŭtaryć vyniki na inšych ustanoŭkach, čałaviectva čakaje enierhietyčnaja revalucyja, a patreba ŭ vykapaniach jak krynicy enierhii (vuhli, hazie, nafcie i t. d.) moža całkam adpaści. U aficyjnym Twitter instytuta navukoŭcy vinšujuć kalehaŭ z dasiahnutym vynikam.
-
Za Nieptunam moža być jašče adna płanieta pamieram ź Ziamlu, pra jakuju raniej nie padazravali
-
Bunkiery, układańni ŭ źniešnaść zamiest rozumu. Bajučysia ery štučnaha intelektu, ludzi kidajucca ŭ krajnaści
-
Revalucyja ŭ biespravadnoj zaradcy: japoncy prapanujuć rašeńnie, jakoje moža kančatkova zamianić kabieli
Kamientary