Rasijskaha žurnalista Śvirydava vyhnali z Polščy z-za padazreńniaŭ u špijanažy
Leanid Śvirydaŭ naradziŭsia i niekatory čas pracavaŭ u Biełarusi, a apošnija 18 hadoŭ znachodziŭsia ŭ Čechii i Polščy. U abiedźviuch krainach jaho padazravali ŭ špijanažy.
U 2006 hodzie rasijskamu žurnalistu Leanidu Śvirydavu admovili ŭ akredytacyi ŭ Čechii, abvinavaciŭšy ŭ špijanažy, letaś takija samyja padazreńni adnosna jaho byli ahučanyja i ŭ Polščy. Pracedura pazbaŭleńnia akredytacyi i vidu na žycharstva ciahnułasia bolš za hod.
Paśla taho, jak polski Departament pa spravach zamiežnikaŭ padtrymaŭ rašeńnie mazavieckaha vajavody ab anulavańni vidu na žycharstva Śvirydava, jon musiŭ pakinuć Polšču ciaham adnaho miesiaca.
Viečaram u minułuju subotu Śvirydaŭ pakinuŭ Polšču.
Pierad adlotam Śvirydaŭ zajaviŭ žurnalistam, što ličyć svajo vydaleńnie z Polščy niespraviadlivym i što źbirajecca abskardžvać hetaje rašeńnie ŭ Viarchoŭnym sudzie Polščy i Jeŭrapiejskim sudzie pa pravach čałavieka.
Śvirydaŭ pracavaŭ apošnim časam na rasijskaje infarmacyjnaje ahienctva «Rośsija siehodnia». Ahienctva ŭnutranaj biaśpieki Polščy zapatrabavała vydalić jaho z krainy ŭ suviazi z padazreńniami, što jon vykonvaŭ špijonskija zadańni rasiejskich śpiecsłužbaŭ. MZS Rasii ŭ listapadzie departacyju Śvirydava nazvała aburalnaj.
Kamientary