Alaksandr Łukašenka 14 śniežnia padpisaŭ ukaz № 485, nakiravany na ŭdaskanaleńnie achovy archieałahičnych abjektaŭ i artefaktaŭ.
Jak paviedamlaje pres-słužba prezidenta, zaćvierdžany dakumientam kompleks mier nakiravany na stvareńnie dadatkovych umoŭ dla zachavańnia kulturnaj spadčyny Biełarusi, a taksama praduchileńnie dziejnaści čornych kapalnikaŭ.
Ukazam praduhledžana pieradača archieałahičnych artefaktaŭ, vyjaŭlenych pry praviadzieńni archieałahičnych daśledavańniaŭ abo vypadkova, u dziaržaŭnuju ŭłasnaść. Ustanoŭleny taksama paradak ažyćciaŭleńnia pošuku archieałahičnych abjektaŭ i artefaktaŭ, vyznačany paradak infarmavańnia miascovych orhanaŭ ab vyjaŭlenych archieałahičnych abjektach i pieradačy znojdzienych artefaktaŭ va ŭłasnaść dziaržavy.
Vykarystańnie mietałašukalnikaŭ, hiearadaraŭ i inšych techničnych srodkaŭ i instrumientaŭ dla pošuku archieałahičnych abjektaŭ i artefaktaŭ dapuskajecca tolki pry praviadzieńni va ŭstanoŭlenym paradku archieałahičnych daśledavańniaŭ.
Uviedziena zabarona na nabyćcio, prodaž, dareńnie, mienu, załoh archieałahičnych artefaktaŭ. Vyklučeńnie praduhledžana dla dziaržaŭnych navukovych arhanizacyj i dziaržaŭnych muziejaŭ, a taksama dla fizičnych i jurydyčnych asob, jakija da 1 studzienia 2017 hoda ŭklučać najaŭnyja ŭ ich ułasnaści archieałahičnyja artefakty ŭ rejestr archieałahičnych artefaktaŭ.