Ruskaja pravasłaŭnaja carkva źjaŭlajecca hałoŭnym atrymalnikam prezidenckich hrantaŭ dla niekamiercyjnych arhanizacyj, paviedamlaje RBK sa spasyłkaj na dakład Centra ekanamičnych i palityčnych reformaŭ (CEPR).
CEPR praanalizavaŭ raźmierkavańnie prezidenckich srodkaŭ z 2006 hoda, kali pačałasia prahrama hrantaŭ.
Daśledniki padkreślivajuć, što mnostva NKA za hetyja hady pieraaryjentavalisia na ŭzajemadziejańnie z uładaj zamiest pošuku srodkaŭ za miažoj. Paśla ŭzmacnieńnia kantrolu za zamiežnym finansavańniem u 2013 hodzie dziaržava stała vyłučać značna bolš hrošaj na hranty.
Bujnyja hranty pačali vyjhravać arhanizacyi, «albo niepasredna padkantrolnyja Maskoŭskaha Patryjarchatu, albo blizkija da RPC». Adznačajecca, što pravasłaŭnyja prajekty, jakija finansujucca pry dapamozie prezidenckich hrantaŭ, padtrymlivajuć dziaržaŭnuju rytoryku.
Usiaho na kala carkoŭnym prajekty ŭ 2013—2015 hadach vydali bolš za 256 młn rasijskich rubloŭ.
Akramia taho, u CEPR adznačajuć padtrymku hrantami jeŭrazijcaŭ. «Jeŭrazijski sajuz moładzi» atrymaŭ za dva hady 18,5 młn rub., Instytut jeŭrazijskich daśledavańniaŭ — paradku 15 młn. rub., Fond «Raźvićcio jeŭrazijskaha supracoŭnictva» — bolš za 6,5 młn rub.
Raniej stała viadoma, što bajk-kłub «Načnyja vaŭki» atrymaŭ prezidencki hrant u 9 młn rub. na arhanizacyju dziciačych navahodnich jalinak.
Varta adznačyć, što RPC aktyŭna dziejničaje i ŭ Biełarusi ŭ formie Biełaruskaj pravasłaŭnaj carkvy Maskoŭskaha patryjarchata. Mienavita pad prykryćciom RPC u Krymie, Danbasie i Biełarusi realizoŭvalisia prajekty stvareńnia centraŭ siły ŭ vyhladzie «kazackich kłubaŭ», «letnikaŭ dla padletkaŭ».
Jeŭrazijcy taksama starajucca stvarać punkty začepki ŭ Biełarusi siarod moładzi i analityčnych struktur.
