Kitaj nie škaduje nijakich hrošaj, kab pierakupić technałahičnyja talenty

Kitajskija kampanii imknucca dahnać Kremnijevuju dalinu ŭ śfiery tak zvanych «adčuvalnych» technałohij. 

Pa infarmacyi vydańnia The Wall Street Journal, letaś šerah supracoŭnikaŭ kampanii Zeiss SMT, jakaja vyrablaje niezamiennyja kampanienty dla stvareńnia samych mahutnych u śviecie paŭpravadnikoŭ, atrymali prapanovy pracy ad kitajskaj kampanii Huawei. Pry hetym im abiacali ŭ try razy vyšejšy zarobak.

Prapanovy ad pracy praz LinkedIn, elektronnuju poštu i piersanalnyja zvanki pastupali tym supracoŭnikam, jakija mieli niepasredny dostup da nou-chau Zeiss. Technałohii Zeiss ličacca nastolki pieradavymi, što štab-kvatera kampanii zakrytaja dla bolšaści naviedvalnikaŭ. Vyjavy ŭ jaje rekłamnych materyjałach staranna redahujucca, kab nie vydać kamiercyjnuju tajamnicu.

Pa mierkavańni niamieckaj raźviedki, kančatkovaj metaj kitajskaj kampanii źjaŭlajucca pieradavyja technałohii niderłandskaj kampanii ASML, adnym z pastaŭščykoŭ jakoj jakraz źjaŭlajecca niamieckaja Zeiss. ASML — adzinaja kampanija u śviecie, jakaja vyrablaje litahrafičnyja mašyny EUV, nieabchodnyja dla vytvorčaści pieradavych mikraschiem. Biez hetych mašyn Kitaj nie moža stvarać sučasnyja čypy. Niderłandy zabaraniajuć pastaŭki EUV u Kitaj.

Pavialičyć

Z 2021 hoda Huawei naniała dziasiatki śpiecyjalistaŭ z dośviedam pracy ŭ ASML i inšych zachodnich kampanijach u halinie litahrafii i optyki. Pry hetym ASML zajaŭlaje, što nie zaŭvažyła niezvyčajnaj aktyŭnaści ŭ dačynieńni da svajho piersanału.

Jak piša WSJ, mienavita pieramańvańnie talentaŭ stała pieradavym frontam baraćby pamiž Kitajem i Zachadam za technałahičnuju pieravahu. Uvaha kitajskich firmaŭ skancentravanaja na niekalkich technałahičnych centrach. Siarod ich Tajvań, niekatoryja rehijony Jeŭropy i Kramianiovaja dalina. Niekatoryja ź ich, kab nie pryciahvać uvahu śpiecsłužbaŭ, stvarajuć u hetych rehijonach pad vyhladam miascovych svaje pradpryjemstvy, na jakija najmajuć supracoŭnikaŭ.

Kitaj jasna daŭ zrazumieć, što rekrutynh źjaŭlajecca pryjarytetam, asabliva dla takich kankurentnych technałohij, jak štučny intelekt. Uradavy płan raspracoŭki štučnaha intelektu, pryniaty ŭ 2017 hodzie, praduhledžvaje pryciahnieńnie «najlepšych śpiecyjalistaŭ», u tym liku «viadučych navukoŭcaŭ śvietu» ŭ takich halinach, jak mašynnaje navučańnie, aŭtamatyčnaje kiravańnie i razumnyja robaty.

Mnohija inžyniery nieachvotna razhladajuć prapanovy ad kitajskich kampanij, jany bajacca reputacyjnych ryzyk i składanaści adaptacyi da kitajskaj karparatyŭnaj kultury. Adnak kitajskija kampanii robiać tak šmat prapanoŭ, vykarystoŭvajučy stratehiju, jakuju adzin były rekrucior Huawei nazvaŭ «stukajsia i vier», što niekatoryja ŭrešcie pahadžajucca.

Časta supracoŭniki zabirajuć z saboj kamiercyjnyja tajamnicy. U minułym hodzie hienieralny dyrektar kalifarnijskaj kampanii FemtoMetrix paviedamiŭ Kanhresu ZŠA, što ich kamiercyjnyja tajamnicy byli skradzienyja, kali troje supracoŭnikaŭ pakinuli kampaniju i zasnavali paŭpravadnikovuju kampaniju ŭ Kitai, pry hetym vykarystaŭšy z saboj tysiačy fajłaŭ FemtoMetrix.

Apisanaja tendencyja vyklikaje dyskusii siarod čynoŭnikaŭ u ZŠA i Jeŭropie. Dla mnohich ź ich praces najmu razhladajecca jak zvyčajnaja biznes-praktyka, jakaja nie patrabuje asablivych abmiežavańniaŭ. Adnak uźnikaje pytańnie, ci varta ŭzmacnić kantrol u hetaj śfiery.

U toj čas jak Tajvań u 2022 hodzie ŭvioŭ strohija praviły najmu na pracu ŭ Kitaj, a Paŭdniovaja Kareja ŭzmacniaje pakarańni dla asob, jakija niezakonna pieradajuć «adčuvalnyja» technałohii za miažu, ZŠA i Jeŭropa zastajucca adnosna adkrytymi dla naboru piersanału kitajskimi kampanijami.

Jak piša vydańnie, mnohija dziaržaŭnyja čynoŭniki sumniavajucca, što pieramańvańnie śpiecyjalistaŭ možna praduchilić. Naprykład, novy zakonaprajekt, jaki moh by ŭskładnić kitajskim kampanijam pieraciahvać talenty z Hiermanii, chutčej za ŭsio, nie budzie pryniaty.

• 0
• 0
• 0
• 0
• 0
• 0
• 0
• 0