Rada ES pryniała kančatkovaje rašeńnie ab praciahu sankcyj suprać Rasii ŭ suviazi ź situacyjaj va Ukrainie jašče na paŭhoda, paviedamlaje pres-słužba Rady ŭ paniadziełak, 21 śniežnia.
«21 śniežnia 2015 Rada ES praciahnuła ekanamičnyja sankcyi suprać Rasii da 31 lipienia 2016 hoda», — adznačajecca ŭ kamiunikie. U paviedamleńni nahadvajecca, što pieršapačatkova sankcyi ŭvodzilisia terminam na adzin hod, da 31 lipienia 2014 hoda «ŭ adkaz na dziejańni Rasii va uschodniaj Ukrainie».
22 červienia 2015 hoda ES praciahnuŭ sankcyi na šeść miesiacaŭ, da 31 studzienia 2016 hoda. Rašeńnie było pryniataje ŭ sakaviku 2015 hoda, kali lidary ES vyrašyli źviazać praciahłaść sankcyj z poŭnaj realizacyjaj minskich pahadnieńniaŭ. «Adnak pakolki Minskija damovy nie buduć całkam realizavanyja da 31 śniežnia 2015 hoda, dziejańnie sankcyj było padoŭžanaje, u toj čas jak Rada praciahvaje acenku prahresu ŭ ich realizacyi», — tłumačyć pres-słužba Rady ES.
Kiraŭnik Minekanamraźvićcia RF Alaksiej Ulukajeŭ nazvaŭ rašeńnie ES čakanym. Čynoŭnik adznačyŭ, što jano nie adabjecca na ekanomicy Rasii. «Heta było čakanaje rašeńnie, ničoha novaha my nie pačuli, absalutna nijak nie paŭpłyvaje na ekanomiku RF», — skazaŭ ministr.
