Mitrapalit Pavieł napiaredadni Rastva zaklikaje da malitvy i miłasernaści
U dni śviatkavańnia Rastva Chrystovaha pravasłaŭnaja carkva zaklikaje da radasnaj i ŭdziačnaj malitvy, a taksama miłasernaści i lubovi adno da adnaho. Pra heta havorycca ŭ kaladnym pasłańni Mitrapalita Minskaha i Zasłaŭskaha Paŭła, Patryjaršaha Ekzarcha ŭsiaje Biełarusi.
«Pobač z nami zaŭsiody jość tyja, chto pakutuje, padaje ducham, adčajvajecca, staryja i niadužyja, chvoryja, harotnyja i samotnyja. Nieabchodna razumieć, što tam, dzie niama lubovi, uzajemnaj padtrymki i adkaznaści, hatoŭnaści ŭsio žyćcio prynieści ŭ dar tym, kaho lubiš, tam niama ni ščaścia, ni radaści, ni paŭnaty byćcia, — havorycca ŭ pasłańni. — Haspodź i Zbaviciel čakaje ad viernych dziaciej Śviatoj Carkvy dobrych spraŭ — słužeńnia lubovi i miłasernaści dziela našych bližnich».
Mitrapalit Pavieł taksama adznačyŭ, što 2015 hod prynios niamała duchoŭnaj radaści: «Jon byŭ adznačany tymi mnohimi dobrymi ździajśnieńniami ŭ žyćci našaj Carkvy, jakija taksama stali svojeasablivymi padarunkami Bohadziciaci Chrystu».
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi14
Kamientary