Bilet amierykanskaj łatarei Powerball, jaki vyjhraŭ džekpot, pradadzieny ŭ štacie Kalifornija. Pra heta paviedamlaje Los Angeles Times.
U bilecie, jaki byŭ realizavany praz kramu sietki 7-Eleven u horadzie Čyna-Chiłs, — supadzieńnie pa ŭsich piaci ličbach pieršaha błoka: 8, 27, 34, 4, 19, a taksama Powerball — 10. Hetaja handlovaja kropka atrymaje miljon dalaraŭ u jakaści bonusa.
Pa słovach supracoŭnika kramy, u apošnija niekalki dzion vyručka za kvitki składała paradku 5 tysiač dalaraŭ, a ŭ sieradu, 13 studzienia, dasiahnuła 12 tysiač. Košt adnaho kvitka składaje dva dalary, niekatoryja ludzi kuplali ich sotniami.
Pamier džekpota ŭ apošnim rozyhryšy skłaŭ 1,5 miljarda dalaraŭ. Šaniec atrymać hałoŭny pryz — 1 z 292 miljonaŭ.
Dla taho kab sarvać džekpot, nieabchodna, kab u łatarejnym bilecie było supadzieńnie ź piaci ličbami ź pieršaha błoka (vybarka ad 1 da 69), a taksama z šostaj ličbaj (vybarka ad 1 da 26). Kvitki realizujucca ŭ 44 štatach ZŠA i troch terytoryjach, što naležać krainie.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary