AHP voźmie ŭdzieł u parłamienckaj kampanii 2016 hoda z «pryncypovych mierkavańniaŭ»
Abjadnanaja hramadzianskaja partyja (AHP) voźmie ŭdzieł u parłamienckaj kampanii 2016 hoda z pryncypovych mierkavańniaŭ.
«My ŭdzielničajem va ŭsich vybarčych kampanijach, heta pryncypovaja pazicyja», — zajaviŭ staršynia AHP Anatol Labiedźka 14 studzienia na pres-kanfierencyi ŭ Minsku. «Ale my zaŭsiody raspracoŭvajem svoj scenaryj udziełu ŭ vybarach, my nie hulajem pa praviłach ułady», — dadaŭ jon.
Na dumku Labiedźki, nijakaj novaj stratehii ŭdziełu ŭ vybarčych kampanijach, u tym liku ŭ parłamienckich vybarach 2016 hoda, prydumvać nie treba. «Jość šmat ludziej, jakija pazicyjanujuć siabie analitykami. Jany kažuć, što raniejšyja stratehii paciarpieli paražeńni, tamu treba šukać štości novaje. Ničoha novaha, hałoŭnaje — paśladoŭnaść, pryncypovaść, pierajemnaść», — ličyć palityk. AHP, pavodle jaho słoŭ, pojdzie na parłamienckija vybary z tym ža pasłańniem, što i na prezidenckich vybarach 2015 hoda, — z prahramaj «Miljon novych pracoŭnych miescaŭ».
Adnoj z zadač udziełu ŭ parłamienckaj kampanii Labiedźka nazvaŭ niedapuščeńnie lehitymacyi jaje vynikaŭ. «My budziem źbirać dokazy, što ŭ Biełarusi niama sumlennych i svabodnych vybaraŭ. Heta možna zrabić tolki praz aktyŭny ŭdzieł u vybarčaj kampanii», — padkreśliŭ jon.
Palityk paviedamiŭ, što AHP skłała pieralik z 55 pradstaŭnikoŭ partyi, jakich prapanoŭvaje ŭnieści ŭ adziny śpis kandydataŭ ad pravacentrysckaj kaalicyi. Hety pieralik pieradadzieny dla ŭzhadnieńnia inšym udzielnikam kaalicyi (akramia AHP u pravacentrysckuju kaalicyju ŭvachodziać ruch «Za Svabodu» i arhkamitet pa stvareńni partyi «Biełaruskaja chryścijanskaja demakratyja»).
Raniej sustaršynia arhkamiteta BCHD Vital Rymašeŭski paviedamiŭ, što ŭ ich arhanizacyi bolš za 30 aktyvistaŭ, jakija va ŭmovach svabodnych vybaraŭ zdolnyja stać «alternatyvaj dziejnaj uładzie».
U papiaredni śpis kandydataŭ ad ruchu «Za Svabodu» ŭklučana 36 pretendentaŭ, u tym liku pieršy namieśnik staršyni Juryj Hubarevič i namieśnik staršyni Aleś Łahviniec.
Dakładnaja data parłamienckich vybaraŭ pavinna być vyznačanaja nie paźniej za 10 červienia, krajni termin ich praviadzieńnia — 11 vieraśnia 2016 hoda.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary