«Ja spadziajusia, što paśla samitu NATA ŭ Varšavie budzie pavialičanaja prysutnaść sił aljansu ŭ Polščy», — zajaviŭ hiensakratar NATA Jens Stołtenbierh paśla sustrečy z prezidentam Polščy Andžejem Dudam u Brusieli 18 studzienia, paviedamlaje »Radyjo Polšča».
«Z momantu ŭstupleńnia ŭ NATA Polšča źjaŭlajecca vielmi mocnym i aktyŭnym sajuźnikam. Sotni polskich žaŭnieraŭ znachodziacca ŭ Afhanistanie i Kosavie. Taksama Polšča palityčna aktyŭnaja ŭ pytańni Ukrainy», — padkreśliŭ hiensakratar NATA.
U svaju čarhu, prezident Duda zajaviŭ, što samit NATA, jaki adbudziecca ŭ Varšavie 8-9 lipienia 2016 hoda, budzie, pa-pieršaje, univiersalnym, pa-druhoje, nakiravanym u budučyniu i, pa-treciaje, na im buduć pryniatyja važnyja rašeńni. Polski prezident taksama adznačyŭ, što nieabchodny dyjałoh z Rasijaj.
«Adnak heta nie značyć, što NATA moža nie źviartać uvahu na prablemu parušeńnia mižnarodnaha zakanadaŭstva», — adznačyŭ jon.
Taksama Duda skazaŭ, što varta ŭmacavać vajennaje supracoŭnictva ź Finlandyjaj, Šviecyjaj, Iardanijaj, Hruzijaj i Aŭstralijaj. Jon padkreśliŭ, što nie varta zabyvać pra supracoŭnictva z Małdovaj i Ukrainaj.
Kamientary