Kiraŭnik jeŭrapiejskaha viedamstva pa baraćbie z machlarstvam (Olaf) Džavani Kieśler prapanavaŭ admovicca ad vykarystańnia banknoty vartaściu ŭ 500 jeŭra.
Takuju ideju jon ahučyŭ u intervju ahienctvu Reuters u paniadziełak. Jak zajaviŭ italjanski prakuror, vialikaje pytańnie, nakolki naohuł vysokaja patreba ŭ takoj kupiury.
Pavodle jaho słoŭ, admova ad banknoty dazvoliła b značna ŭskładnić žyćcio ašukancam i karupcyjanieram. Jak pieradaje Reuters, Jeŭrapiejski centralny bank (JECB) nie staŭ kamientavać prapanovu čynoŭnika. Jak stała viadoma 22 studzienia, u 2015 hodzie ŭ Jeŭrasajuzie była vyjaŭlena rekordnaja kolkaść falšyvych banknot. Usiaho było kanfiskavana 899 tys. kupiur.
U 2013 hodzie šerah niamieckich ekśpiertaŭ užo zaklikali admovicca ad samaj bujnoj jeŭrapiejskaj kupiury, śćviardžajučy, što jana patrebna tolki kryminalnikam, karupcyjanieram i padatkovym uchilistam. Tady ŭ JECB zajavili, što ideja «biezumoŭna zasłuhoŭvaje dyskusii».
Kamientary