Pryhavoram suda Kryčaŭskaha rajona Mahiloŭskaj vobłaści 27-hadovy i 20-hadovy miascovyja žychary asudžanyja za žorstkaje abychodžańnie z žyviołaj, jakoje paciahnuła jaje hibiel, z chulihanskich i inšych haniebnych namieraŭ, učynienaje hrupaj asobaŭ (č. 2 art. 339-1 KK).
Jak paviedamiła BiełaPAN staršy pamočnik prakurora Mahiloŭskaj vobłaści Ała Kuźniacova, asudžanyja ŭ adzin ź dzion lutaha 2015 hoda, znachodziačysia ŭ stanie ałkaholnaha apjanieńnia, pryjšli da svajho pryjaciela patrabavać viartańnia doŭhu. Toj znachodziŭsia ŭ hety čas u domie svaich znajomych, raźmieščanym u vioscy Malacičy Kryčaŭskaha rajona. Daviedaŭšysia, što ŭ pryjaciela niama ni hrošaj, ni śpirtnoha, kab viarnuć doŭh, maładyja ludzi zabili sabaku, jaki znachodziŭsia ŭ dvary.
Adzin z asudžanych vyciahnuŭ za łancuh žyviołu z budki i nahoj prycisnuŭ jaje da ziamli, a druhi z metaj zabojstva sabaki pierarezaŭ jamu nažom šyju.
Pryhavoram suda abodva abvinavačvanyja pryznanyja vinavatymi va ŭčynienym złačynstvie i kožnamu ź ich pryznačana pakarańnie ŭ vyhladzie aryštu terminam na miesiac.
Prysud nabyŭ zakonnuju moc.
Ciapier čytajuć
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary