Na 25 studzienia pieravyšeńnia raźlikovych uzroŭniaŭ pa hrypie i prastudnych virusach nie zafiksavana, paviedamili TUT.BY u Homielskim abłasnym centry hihijeny, epidemijałohii i hramadskaha zdaroŭja. Bolš za toje, u paraŭnańni z anałahičnym pieryjadam 2015 zachvorvańnie na VRI nižej na 18%.
Pa vynikach łabaratornych daśledavańniaŭ žychary rehijonu pieravažna chvarejuć niehrypoznymi reśpiratornymi virusami, jakija charakternyja dla hetaha pieryjadu hoda. Tym nie mienš na 27 studzienia ŭ vobłaści zafiksavana siem vypadkaŭ zaražeńnia na śviny hryp — u Homielskim, Dobrušskim i Rahačoŭskim rajonach. Siarod zachvarełych jość i dzieci.
U abłasnym centry hihijeny, epidemijałohii i hramadskaha zdaroŭja zapeŭnivajuć, što raspaŭsiudžvańnia śvinoha hrypu ŭ rehijonie nie nazirajecca.
