Dziaržaŭnaje vytvorčaje ab`iadnańnie «Biełenierha» i ŭkrainskaja enierhietyčnaja kampanija «DTEK Enierha» padpisali miemarandum ab stratehičnym supracoŭnictvie ŭ enierhietyčnaj śfiery.
Jak paviedamili ŭ «DTEK Enierha», važnym napramkam supracoŭnictva stanie pryciahnieńnie śpiecyjalistaŭ «Biełenierha» da ŭdziełu ŭ ramontach i rekanstrukcyjach na ŭkrainskich ciepłaelektrastancyjach.
Miemarandum taksama praduhledžvaje impartnyja pastaŭki ŭkrainskaj elektraenierhii dla pakryćcia deficytu mahutnaści ŭ enierhasistemie Biełarusi. Zhodna z zaćvierdžanym prahnoznym enierhabałansam na 2016 hod, enierhasistema Ukrainy budzie mieć praficyt pa najaŭnaści svabodnych hienieryrujučych mahutnaściaŭ, zabiaśpiečanych palivam. Umovy kamiercyjnych pastavak elektraenierhii z Ukrainy ŭ Biełaruś baki abmiarkujuć da kanca 1-ha kvartała 2016 hoda.
U ramkach miemaranduma baki damovilisia ab patencyjnym eksparcie elektraenierhii ź Biełarusi pry ŭźniknieńni deficytu mahutnaści ŭ enierhasistemie Ukrainy z-za parušeńnia pastavak vuhalu na ciepłaelektrastancyi krainy.
«Miemarandum pabudavany na pryncypach uzajemavyhadnaha supracoŭnictva pamiž Biełaruśsiu i Ukrainaj, — adznačyŭ hienieralny dyrektar» DTEK Enierha» Usievaład Staruchin. — Siońnia, va ŭmovach ekanamičnaha kryzisu, važna šukać i realizoŭvać dadatkovyja mahčymaści supracoŭnictva dla padtrymańnia ekanomik našych krain. Vialiki vopyt i vysoki ŭzrovień absłuhoŭvańnia ab`iektaŭ ciepłavoj hienieracyi Biełarusi budzie zapatrabavany ŭ ramontnych kampanijach CES DTEK i stvoryć dadatkovy rynak pasłuh dla biełaruskich śpiecyjalistaŭ. Ekspartna-impartnyja pastaŭki elektraenierhii dazvolać dyviersifikavać ryzyki i zabiaśpiečyć nadziejnaść pracy enierhietyčnych sistem abiedźviuch krain».
Nahadajem, 5 lutaha ministr enierhietyki i vuhalnaj pramysłovaści Ukrainy Uładzimir Dziamčyšyn paviedamiŭ, što ŭžo ŭ sakaviku Ukraina moža adnavić paŭnavartasny ekspart elektraenierhii ŭ Biełaruś.
«DTEK» pastaŭlała elektraenierhiju ŭ Biełaruś z 2010 hoda — tady dola Biełarusi ŭ ahulnym ab`iomie ekspartu elektraenierhii z Ukrainy dasiahała 70%. U 2014 hodzie pastaŭki skaracilisia ŭ suviazi z deficytam mahutnaści ŭ enierhasistemie Ukrainy, a ŭ 2015-m ekspart nie ažyćciaŭlaŭsia zusim.
Pieramovy ab adnaŭleńni pastavak pačalisia ŭ kancy minułaha hoda. Pradstaŭniki «DTEK» zajaŭlajuć, što Biełaruś «była i zastajecca stratehičnym partnioram Ukrainy ŭ enierhietyčnym siektary».
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia11
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1414
Kamientary