Pamior chłopčyk, jaki paciarpieŭ u avaryi z turystyčnym aŭtobusam u Čechii, jakaja adbyłasia ŭ studzieni. Hetuju infarmacyju paćvierdzili ŭ turystyčnaj kampanii, jakaja arhanizoŭvała pajezdku.
Paśla DTZ dzicia było dastaŭlena ŭ češskuju balnicu ŭ ciažkim stanie. U siaredzinie studzienia z dazvołu daktaroŭ chłopčyka ŭ supravadžeńni mamy dastavili z dapamohaj sanitarnaj avijacyi z Čechii ŭ Minsk. U aeraporcie ich sustreŭ reanimabil, dzicia dastavili ŭ miedycynskuju ŭstanovu dla praciahu lačeńnia. Adnak vyratavać jaho žyćcio nie ŭdałosia.
Bolšaść turystaŭ, u tym liku siamja zahinułaha chłopčyka, byli zastrachavany.
DTZ z udziełam biełaruskaha aŭtobusa adbyłosia 6 studzienia ŭ pieršaj pałovie dnia pamiž nasielenymi punktami Horžyčki i Česka Skalica (Čechija). Turystyčnaja hrupa z 49 čałaviek, u jakoj byli dzieci razam z baćkami, jechała z Prahi va Urocłaŭ.
