Памёр хлопчык, які пацярпеў у аварыі з турыстычным аўтобусам у Чэхіі, якая адбылася ў студзені. Гэтую інфармацыю пацвердзілі ў турыстычнай кампаніі, якая арганізоўвала паездку.
Пасля ДТЗ дзіця было дастаўлена ў чэшскую бальніцу ў цяжкім стане. У сярэдзіне студзеня з дазволу дактароў хлопчыка ў суправаджэнні мамы даставілі з дапамогай санітарнай авіяцыі з Чэхіі ў Мінск. У аэрапорце іх сустрэў рэанімабіль, дзіця даставілі ў медыцынскую ўстанову для працягу лячэння. Аднак выратаваць яго жыццё не ўдалося.
Большасць турыстаў, у тым ліку сям'я загінулага хлопчыка, былі застрахаваны.
ДТЗ з удзелам беларускага аўтобуса адбылося 6 студзеня ў першай палове дня паміж населенымі пунктамі Горжычкі і Чэска Скаліца (Чэхія). Турыстычная група з 49 чалавек, у якой былі дзеці разам з бацькамі, ехала з Прагі ва Уроцлаў.
Цяпер чытаюць
Дзе працуюць і як выглядаюць жонкі топ-чыноўнікаў?14
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1010
Каментары