U Minsku 13 lutaha na terytoryi Vierchniaha horada adbudziecca respublikanskaja akcyja «Biełaruś, ja lublu ciabie» z arhanizacyjaj kirmašu spažyvieckich tavaraŭ «Narodnaja marka Biełarusi». Pra heta paviedamiła pres-sakratar hałoŭnaha ŭpraŭleńnia spažyvieckaha rynku Minharvykankama Anastasija Prymaka.
Naviednikam mierapryjemstva budzie prapanavanaja pradukcyja viadučych biełaruskich vytvorcaŭ charčovaj i lohkaj pramysłovaści.
Svaje firmovyja vyraby pradstaviać «Kamunarka», «Santa Bremar», «Aršanski miasakansiervavy kambinat», «Bychaŭski kansiervava-aharodninasušylny zavod», «Kamaka», «Anieha». Buduć arhanizavanyja dehustacyja pradukcyi, prezientacyja novych jaje vidaŭ i inšyja rekłamnyja mierapryjemstvy.
Šyroki asartymient šviejnych, trykatažnych, hałantarejnych tavaraŭ, abutku prapanujuć viadomyja ajčynnyja vytvorcy, takija jak «Elema», «Kupalinka», «Słavianka», «Hałanteja», «Śmiłavickaja valušna-lamcavaja fabryka», «Marka», «BVBA», «Paleśsie» i inšyja.
Na placoŭcy «Smačna jesci…» hości kirmašu zmohuć adpačyć, pakaštavać bliny z raznastajnymi načynkami, draniki, šašłyk, prysmaki, stravy tradycyjnaj biełaruskaj kuchni i mnohaje inšaje.
Anastasija Prymaka taksama infarmavała, što 13 i 14 lutaha na placoŭcy kala Ladovaha Pałaca sportu (vuł. Prytyckaha, 27) adbuducca rybnyja kirmašy. Rybhasy Biełarusi pa canie vytvorcy prapanujuć pakupnikam šyroki asartymient žyvoj sažałkavaj i pierapracavanaj ryby. U prodažy buduć karp, karaś, taŭstałobik, bieły amur, ščupak, farel, som, asiatrovyja, a taksama marynavanaja, marožanaja, vendžanaja, vialenaja rybnaja pradukcyja. Na kirmašach možna budzie nie tolki kupić rybu i rybnuju pradukcyju, ale i pasprabavać haračuju duchmianuju jušku. Režym pracy — c 9.00 da 16.00.
Kamientary