Miechanizm raspačynańnia kryminalnych spraŭ mohuć źmianić u Biełarusi
Pytańnie ab mahčymym źmienie miechanizmu raspačynańnia kryminalnych spraŭ nieabchodna abmierkavać z kiraŭnikami viedamstvaŭ siłavoha błoka ŭ mai-červieni 2016 hoda, zajaviŭ siońnia Alaksandr Łukašenka na pasiadžeńni kalehii Śledčaha kamiteta pa vynikach pracy za 2015 hod.
«Hałoŭnaje pytańnie tut u tym, ci nam heta treba? Ci budzie karyść? Kali heta kardynalnaje rašeńnie, nu tak pojdziem i na kardynalnaje. Hałoŭnaje, kab my byli pierakananyja, što heta treba, karysna i daść stanoŭčy efiekt», - zajaviŭ kiraŭnik dziaržavy.
«Paśla vyvučeńnia faktaŭ źbiaremsia i prymiem rašeńnie abo adchilić jaho i naohuł da hetaha viartacca nie budziem», - skazaŭ kiraŭnik Biełarusi.
Pry hetym Alaksandr Łukašenka źviarnuŭ uvahu, što ludzi, jak praviła, nie prychodziać prosta tak u milicyju z zajavaj. «U asnoŭnym čałaviek prychodzić sa svajoj prablemaj i bolem i prynosić zajavu. I adfutbolvać nielha. Moža być, vyznačycca, što, kali ŭ zajavie fakt nie varty vyjedzienaha jajka, to na stadyi daznańnia treba niejak čałavieku adkazać, razhledzieć zajavu, nie vyklikajučy kryminalnaj spravy «, - ličyć kiraŭnik dziaržavy.
Jon dadaŭ, što možna skazać čałavieku, što kryminalnuju spravu raspačynać nie buduć. «Ale niejkim čynam zadavolić jaho prośbu, pačynajučy prosta ad dyjałohu ź im, zakančvajučy pryniatymi mierami na stadyi daznańnia. Dzie treba raspačynać kryminalnuju spravu, daznaŭca pavinien stavić vielmi žorstka pytańnie pierad śledčym», - ličyć kiraŭnik Biełarusi.
Alaksandr Łukašenka padkreśliŭ, što kryteryi acenki raboty śledčych nie pavinny być vuzkaviedamasnyja.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim11
Kamientary