Biełarusbank uvioŭ časovyja abmiežavańni na źniaćcie najaŭnych hrašovych srodkaŭ z vykarystańniem mižnarodnych płaciežnych kartak banka ŭ zamiežnych krainach, paviedamili ŭ pres-słužbie Biełarusbanka.
«U suviazi ź infarmacyjaj, jakaja pastupiła ad mižnarodnych płaciežnych sistem, ab pavieličeńni kolkaści machlarskich apieracyj u šerahu zamiežnych krain u metach abarony intaresaŭ trymalnikaŭ kartak (jurydyčnych i fizičnych asob) Biełarusbank uvioŭ časovyja abmiežavańni na źniaćcie najaŭnych hrašovych srodkaŭ z vykarystańniem mižnarodnych płaciežnych kartak banka, u tym liku kredytnych», — adznačyli śpiecyjalisty.
Źniaćcie najaŭnych hrošaj u bankamatach z dapamohaj bankaŭskich kartak, u jakich źmieščany mikrapracesar (čyp) i mahnitnaja pałasa, prypyniena da 20 kastryčnika 2017 hoda ŭ niekatorych krainach dalokaha zamiežža. Kali havaryć ab kartkach MasterCard, to heta Kambodža, Hankonh, Małajzija, Niepał, Filipiny, Vjetnam, Paŭdniovaja Kareja, Indyja, Indaniezija, Tajłand, Tajvań, Kitaj, Japonija, ZŠA. Što datyčycca VISA i Maestro, to heta Niepał, Indyja, Indaniezija, Tajłand, Tajvań, Kitaj, Japonija i ZŠA.
Ažyćciaŭleńnie apieracyj źniaćcia najaŭnych u bankamatach z płaciežnych kartak fizičnych asob, vypuščanych tolki z mahnitnaj pałasoj, časova prypyniena va ŭsich zamiežnych krainach.
Abmiežavańni nie raspaŭsiudžvajucca na bieznajaŭnyja apieracyi z vykarystańniem kartak u punktach handlu i servisu. Vyklučeńnie składajuć apieracyi apłaty na AZS na terytoryi ZŠA, dzie ŭstanoŭleny limit nie bolš za $100 u ekvivalencie na praciahu 24 hadzin.
«Pry nieabchodnaści zabarona na ažyćciaŭleńnie apieracyj źniaćcia najaŭnych hrošaj u bankamatach moža być admieniena na pieryjad znachodžańnia trymalnika kartki ŭ hetych krainach», - adznačyli ŭ pres-słužbie Biełarusbanka. Pry hetym źniaćcie najaŭnych budzie mahčyma na sumu nie bolšuju za $150 u ekvivalencie na praciahu 24 hadzin. Dla hetaha treba zahadzia źviarnucca ź piśmovaj zajavaj va ŭstanovu banka, u jakoj adkryty rachunak i była vydadziena kartka.
Akramia taho, u Biełarusbanku źviarnuli ŭvahu, što mižnarodnyja płaciežnyja sistemy Visa i MasterCard časova prypynili absłuhoŭvańnie svaich kartak na terytoryi Kryma.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»14
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2525
Kamientary