12 administracyjnych pratakołaŭ składziena na kiroŭcu-piensijaniera z Połacka, za jakim paŭhadziny haniałasia Dziaržaŭtainśpiekcyja horada, paviedamili ŭ adździaleńni ahitacyi i prapahandy DAI UUS Viciebskaha abłvykankama.
21 lutaha ŭ Połacku supracoŭniki miascovaha adździeła departamienta achovy na praśpiekcie K.Marksa zaŭvažyli aŭtamabil «Džyli», jaki ruchaŭsia pa sustrečnaj pałasie. Pravaachoŭniki pačali pieraśled parušalnika, paviedamiŭšy pra heta ŭ dziažurnuju častku. Spyniŭšysia na starym moście Połacka, kiroŭca začyniŭsia ŭ aŭtamabili, a kali da jaho padyšoŭ inśpiektar DPS DAI, pasprabavaŭ znoŭ uciačy. Honščyk paśpieŭ zrabić jašče niekalki kruhoŭ pa pryvatnym siektary, pakul šlach jamu nie zastupiŭ evakuatar. Sproby ŭciekača abjechać techniku pravalilisia, u rešcie rešt jon byŭ zatrymany.
Akazałasia, što piensijanier nieadnarazova pryciahvaŭsia za kiravańnie aŭtamabilem biez pravoŭ. U hety raz na mužčynu było składziena 12 administracyjnych pratakołaŭ, u tym liku za DTZ (u zapale pahoni jon začapiŭ inšy transpartny srodak).
Asudžany za «Hajun» da chimii brat Ihara Łosika ŭciok ź Biełarusi3
Kamientary