Pamior Leŭ Bialevič — siabra padpolnaha Sajuza biełaruskich patryjotaŭ, viazień HUŁAHa
U Pieciarburhu pamior Leŭ Bialevič, kolišni siabar hłybockaj supołki Sajuza biełaruskich patryjotaŭ — arhanizacyi moładzi, jakaja mieła na mecie pašyreńnie biełaruskaj kultury i idei niezaležnaści Biełarusi.
Za ŭdzieł u niezaležnickim ruchu Leŭ Bialevič pravioŭ kala dziesiaci hod u HUŁAHu, ale da sivoj staraści zastaŭsia patryjotam Biełarusi.
Bialevič adyjšoŭ u lepšy śviet jašče ŭ śniežni. Pra jaho śmierć my daviedalisia tolki ciapier ad Antona Fursa, jahonaha paplečnika pa SBP.
«Kali ŭ pavajenny čas nas było vielmi mała, to ciapier tysiačy junakoŭ i dziaŭčat śmieła iduć pad bieł-čyrvona-biełym ściaham, baroniačy volu i niezaležnaść našaj krainy. Ja vieru, pieramoha budzie na ich baku», — kazaŭ Bialevič u intervju Radyjo Svaboda ŭ 2006 hodzie.
Ciapier zastałosia ŭ žyvych piaciora siabraŭ Sajuza biełaruskich patryjotaŭ.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova5
Kamientary