Abanienty MTS skardziacca na aŭtamatyčnaje padklučeńnie płatnaj pasłuhi
Mabilny apieratar MTS papiaredziŭ abanientaŭ ab tym, što pasłuha ź bieźlimitnym LTE-trafikam stanie płatnaj z 16 sakavika. Pryčym karystalniki akazalisia padpisanymi na płatnuju viersiju pasłuhi «pa zmoŭčańni».
Pavodle paviedamleńnia dla abanientaŭ, pasłuha «4G bieźlimit» dastupnaja biaspłatna tolki da 15 sakavika. Paśla hetaj daty jaje košt składzie 1000 rubloŭ u sutki abo kala 30 tysiač u miesiac. Dalej iduć instrukcyi ab tym, jak pasłuhu adklučyć.
Usie abanienty, jakija atrymali SMS, da hetaha sami padklučyli pasłuhu «4G bieźlimit». Pasłuha była dastupnaja sa stopracentnaj źnižkaj — heta značyć biaspłatna.
Niezadavolenaść niekatorych vyklikała toje, što na «płatnuju viersiju» apieratar pieravioŭ ŭsich «aŭtamatyčna»: adpravić śpiecyjalny kod treba, kab admovicca ad pasłuhi, a nie kab pačać joj karystacca. Kali niechta niaŭvažliva pračytaŭ umovy na sajcie ci nie zaŭvažyŭ SMS, to hrošy ź jaho śpišucca.
Raniej va ŭmovach pradastaŭleńnia pasłuhi na sajcie kampanii havaryłasia pra 80%-nuju źnižku, jakaja budzie dziejničać z 16 sakavika pa 31 žniŭnia. Paźniej hetyja radki z umoŭ źnikli. Atrymałasia, što z 16 sakavika abanientam pryjdziecca płacić poŭny košt, a nie 20%, jak było abiacana raniej.
Nahadajem, pasłuha «4G bieźlimit» praduhledžvaje bieźlimitny dostup da LTE-trafiku na vysokich chutkaściach. Pasłuha dastupnaja na ŭsich taryfnych płanach za vyklučeńniem taryfnych płanaŭ «Absalut», «Haściavy», «MTS smart Haściavy».
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary